१३ असार, काठमाडौं। भेनेजुयलामा गएको विनाशकारी भूकम्पमा मृत्यु हुनेहरूको संख्या हालसम्म ९२० पुगेको छ। भूकम्पका कारण ३,३६० जना मानिस घाइते भएका छन्। गत बुधबार केहि सेकेन्डको अन्तरालमा भेनेजुयलामा दुईवटा शक्तिशाली भूकम्प गएको थियो। दोस्रो भूकम्पको तीव्रता ७.५ म्याग्निच्युड नापिएको छ, जुन पछिल्लो शताब्दीमा भेनेजुयलामा आएको सबैभन्दा शक्तिशाली भूकम्पहरूमध्ये एक मानिन्छ।
अधिकारिहरूका अनुसार राजधानीको उत्तरतर्फ पर्ने ला गुआयरा क्षेत्र सबैभन्दा बढी प्रभावित क्षेत्र बनेको छ। यो क्षेत्र देशका दुई प्रमुख बन्दरगाहमध्ये एक हो। त्यहि क्षेत्रमा भेनेजुयलाको प्रमुख विमानस्थल सिमोन बोलीवार अन्तर्राष्ट्रिय विमानस्थल पनि अवस्थित छ, जुन माइकेतिया क्षेत्रमा पर्दछ। भूकम्पको समयमा धेरै मानिसहरू अझै वेपत्ता छन्। उद्धार प्रयासहरू जारी भएकाले मृतकहरूको संख्या अझ बढ्न सक्ने सम्भावना छ।
