प्रधानमन्त्री नरेन्द्र मोदीको भिडियो मेटाले गल्तीले हटाएपछि मेटाका एक वरिष्ठ कार्यकारीले भारत सरकारसमक्ष औपचारिक रूपमा माफी मागेका छन्। भारतीय संसदीय प्यानलले माफी नमान्दा कारबाही गर्ने अघोषित चेतावनी दिएपछि मेटाका प्रतिनिधिले आईटी मन्त्री अश्विनी वैष्णवसँग भेटेर माफी मागेका हुन्। मेटाले प्रधानमन्त्री मोदीको भिडियो प्राविधिक त्रुटिबाट हटाइएको भए पनि पछि प्लेटफर्ममा पुनःस्थापित गरिएको स्पष्ट पारेको छ। २० साउन, काठमाडौं।
गत महिना फेसबुकबाट प्रधानमन्त्री नरेन्द्र मोदीको भिडियो छोटो समयको लागि हटाइएको विषयमा बुधबार फेसबुक कम्पनी मेटाका एक वरिष्ठ कार्यकारीले माफी मागेका छन्। हिन्दुस्तान टाइम्सका अनुसार, भारतको संसदीय प्यानलले मेटा प्रमुख मार्क जुकरबर्गलाई प्रधानमन्त्री मोदीको भिडियो हटाएकोमा माफी माग्न तीन दिनको समय दिएको थियो। माफी नआए कारबाही गर्ने चेतावनी दिएका केही घण्टापछि मेटाका अधिकारीले माफी माग्नु भएको हो।
फेसबुक, इन्स्टाग्राम र व्हाट्सएपको मूल कम्पनी मेटाका वरिष्ठ विश्वव्यापी कार्यकारीहरूले आईटी मन्त्री अश्विनी वैष्णवसँगको भेटमा माफी मागेका विषयमा जानकार व्यक्तिहरूले जानकारी दिएका छन्। मेटाका ग्लोबल अफेयर्स अफिसर जोएल कपलान वैष्णवलाई भेट्न गएको टोलीको सदस्य थिए र उनले आईटी सचिव एस कृष्णनसँग पनि छुट्टै भेट गरेका थिए।
प्रधानमन्त्री मोदीको भिडियो हटाएकोमा माफी माग्नुको साथै भाजपा सांसद निशिकांत दुबे नेतृत्वको सूचना प्रविधि सम्बन्धी संसदीय स्थायी समिति मार्फत बाल यौन दुर्व्यवहार सामग्री, महिलाविरुद्ध अपमानजनक सामग्री राख्ने मध्यस्थकर्ता प्लेटफर्महरू विरुद्ध कारबाहीको माग पनि गरिएको छ। भारतीय युवालाई सम्बोधन गर्दै र पेपर चुहावट विरुद्ध कडा कारबाही गर्ने प्रतिबद्धता व्यक्त गर्दै प्रधानमन्त्री मोदीले हालै फेसबुक पोस्टमा छोटो समय प्रतिबन्ध लगाइन पछि भारत सरकारले मेटाको ध्यानाकर्षण गराएको थियो। मेटाले सामग्री त्रुटिवश हटाइएको भएता पनि पछि पुन: प्लेटफर्ममा राखिएको जनाएको छ।
