अमेरिकी सिनेटले रूसमाथि लगायो कडा प्रतिबन्ध, भारतसहित ५ देशमा लागु गरियो १००% भन्सार शुल्क

२३ साउन, काठमाडौं। अमेरिकी सिनेटले रूस र यसको पेट्रोलियम उत्पादनका ठूला आयातकर्ता चीन र भारतसहितका अन्य देशहरूलाई दण्डित गर्ने उद्देश्यले तयार पारिएको विधेयक बहुमतले पारित गरेको छ। समाचार एजेन्सी पीटीआईका अनुसार, यस विधेयकको नाम ‘लिन्डसे ग्राहम स्यान्क्सनिङ रसिया एन्ड इरान एक्ट अफ २०२६’ राखिएको छ। अमेरिकी सिनेटले यो विधेयकलाई ८६–११ मतानुसार पारित गरेको छ।

विधेयकले राष्ट्रपति डोनाल्ड ट्रम्पलाई रूसबाट तेल तथा ग्यास आयात गर्ने शीर्ष पाँच देशहरूबाट अमेरिकामा आउने सामानमा १०० प्रतिशतसम्मको भन्सार शुल्क (ट्यारिफ) लगाउने अधिकार दिएको छ।

ह्वाइट हाउस राष्ट्रिय आर्थिक परिषद् निर्देशक केभिन हेसेटले यस विधेयकले भारत–अमेरिका व्यापार समझदारी वार्तामा पर्ने प्रभावबारे प्रतिक्रिया दिँदै भने, ‘यो वार्ताकारहरूमा भर पर्छ। म अहिले चलिरहेको प्रक्रियाबारे केही भन्न सक्दिनँ।’