चीनमा अविवाहित पुरुषहरूलाई विवाह प्रमाणित गरिदिने भनी खुलेका केही एजेन्सीहरूले ठगी गर्ने गरेको पाइएको छ। यी एजेन्सीहरूले ग्राहकहरूलाई महिलाहरू जानाजानी भेट गराइदिन्छन् र छोटो समयमा विवाह सफल हुने आश्वासन दिने गर्छन्। कतिपय घटनामा, ती ‘नवविवाहिता’ महिलाहरूले बेहुलाबाट ठूलो रकम लिएर भाग्ने गरेको रिपोर्ट गरिएको छ। साथै, पुरुषहरूले ती एजेन्सी वा मध्यस्थलाई पनि शुल्क तिर्नुपर्ने हुन्छ।
त्यस्ता एजेन्सीमार्फत भेटिने महिलाहरू देखिएजस्तो वा भनिएजस्तो नहुन सक्छन्। धेरै महिलाहरू पहिले नै धेरै विवाह गरिसकेका र सन्तानसमेत भएका अवस्थामा भेटिन्छन्। यो समस्या चीनको विवादास्पद ‘एक सन्तान नीति’ कारण सिर्जित सामाजिक संकटको सूचक हो। छोराको चाहनाका कारण चीनमा पुरुषहरूको संख्या महिलाभन्दा करिब तीन करोड बढी छ।
