अमेरिकी सेनाले होर्मुज जलमार्गको दक्षिणी च्यानलमा गोप्य करिडोर सञ्चालन गरी दैनिक करिब १ करोड ब्यारेल तेल ओसारपसार गरिरहेको छ। अमेरिकी अधिकारीहरूका अनुसार दुई महिनादेखि सञ्चालनमा रहेको यस अपरेसनले इरानको राडार र समुद्री निगरानी प्रणाली कमजोर पारेको छ र धेरै आक्रमणहरूलाई रोकेको छ। राष्ट्रपति ट्रम्पले होर्मुजबाट अत्यधिक मात्रामा तेल बाहिर निस्किरहेको बताउँदै भने, अहिले इरानसँग कुनै वार्ता नभएको र वार्ता समयको फजुल खर्च हुने बताएका छन्। ४ साउन, काठमाडौं।
अमेरिकी सेनाले होर्मुज जलमार्गमा गोप्य रुपमा एउटा जलमार्ग करिडोर स्थापित गरेको छ। यस करिडोरमार्फत दैनिक लाखौं ब्यारेल कच्चा तेल ओसारपसार भइरहेको छ। अमेरिकी अधिकारीहरूले एक्सियोससमक्ष यो जानकारी दिएका छन्। यो अपरेसन पछिल्ला केही हप्तादेखि सञ्चालनमा छ। ओमानको तटमा रहेको दक्षिणी च्यानलमार्फत प्रत्येक रात १५ देखि २० वटा तेल ट्याङ्करहरू आवतजावत गर्दै आएका छन्। यहाँबाट दैनिक करिव १ करोड ब्यारेल तेल निर्यात गरिएको छ।
यो अभियान केवल तेलले भरिएका ट्याङ्करहरूलाई सुरक्षा प्रदान गर्न मात्र सीमित छैन। अमेरिकी सेनाले खाली ट्याङ्करहरूलाई अरब सागरबाट होर्मुज जलमार्ग हुँदै खाडी प्रवेश गर्नमा सहायता पुर्याउँछ। यस अपरेसनको पूर्ण विवरण अघिल्लो समय सार्वजनिक गरिएको थिएन। अमेरिकी अधिकारीका अनुसार, ‘हामीले दुई महिनादेखि होर्मुज जलमार्गको दक्षिणी मार्गमा नियन्त्रण कायम गरेका छौँ। इस्लामिक रिभोलुसनरी गार्ड कर्प्सले समस्याहरू सिर्जना गर्न सक्छन्, तर उनीहरूको नियन्त्रण जलमार्गमा छैन। नियन्त्रण हाम्रो हातमा छ।’
अमेरिकी सेन्ट्रल कमाण्डको दुई हप्ते सैन्य अभियानले यो अपरेसन सफल भएको हो। यसले इरानको राडार र समुद्री निगरानी प्रणालीलाई कमजोर बनाएको थियो। इरानी आक्रमणहरूले केहि जहाजहरूमा क्षति पुर्याएको छ। तर धेरै आक्रमणहरू अमेरिकी सेनाले रोक्न सफल भएको छ। यसै साता सुरुमा अमेरिकी सेनाले आठ इरानी ड्रोन र दुई क्रुज मिसाइल खसाएको थियो। राष्ट्रपति ट्रम्पले एक्सियोससँग भने, ‘होर्मुज जलमार्गबाट अत्यधिक मात्रामा तेल बाहिर निस्किरहेको छ।’ हाल अमेरिकासँग इरानसँग कुनै वार्ता भईरहेको छैन।
