अमेरिकी सेनाका सेक्रेटरी ड्यान ड्रिस्कलले करिब १८ महिनापछि आफ्नो पदबाट राजीनामा दिने घोषणा गरेका छन्। सीबीएसका अनुसार, ड्रिस्कल र रक्षामन्त्री पिट हेगसेथबीच केही महिनादेखि मतभेद र विवाद जारी थियो। हेगसेथले पेन्टागनको नेतृत्व सम्हाल्दै एक दर्जनभन्दा बढी वरिष्ठ सैन्य अधिकारीहरूलाई पदबाट हटाइसकेका छन्। १६ भदौ, काठमाडौं।
ड्रिस्कल हालसम्मकै सबैभन्दा कम उमेरका आर्मी सेक्रेटरी हुन् र उनी प्रायः अमेरिकी राष्ट्रपति डोनाल्ड ट्रम्पको ‘ड्रोन म्यान’ भनेर चिनिन्छन्। वाइट हाउसले सीबीएसलाई दिएको एक वक्तव्यमा ड्यान ड्रिस्कललाई ट्रम्पको ‘अमेरिकालाई फेरि बलियो बनाउने’ एजेन्डा अघि बढाउन अत्यन्त प्रभावकारी र सैन्य अभियानहरूमा उनले दिएको नेतृत्वलाई ‘शानदार’ बताएको छ।
पछिल्लो समय पद छाडेका वरिष्ठ सैन्य अधिकारीहरूमध्ये ड्रिस्कल सबैभन्दा नयाँ व्यक्ति हुन्। यसअघि नेभी सेक्रेटरी जोन फेलनले गत अप्रिलमा अचानक राजीनामा दिएका थिए। यसैगरी सेना प्रमुख र्याण्डी जर्ज, आर्मी जनरल डेभिड होड्ने र मेजर जनरल विलियम ग्रीन पनि हालै पदबाट हटाइएका छन्। पेन्टागनको नेतृत्व सम्हालेयता रक्षामन्त्री पिट हेगसेथले एक दर्जनभन्दा बढी वरिष्ठ सैन्य अधिकारीहरूलाई पदबाट हटाइसकेका छन्।
