जापानमा आयोजना हुने एसियन गेम्स २०२६ मा क्रिकेटमा नेपाल समूह चरणमा अफगानिस्तान र जापानसँग प्रतिस्पर्धा गर्नेछ। समूह ‘ए’ मा रहेको नेपाल समूह विजेता भएमा श्रीलंकासँग र उपविजेता भएमा भारतसँग क्वाटरफाइनल खेल्नेछ। नेपालले सिंगापुरमा भएको एसियन गेम्स छनोटमा अपराजित रहँदै प्रतिस्पर्धा गर्ने स्थान सुरक्षित गरेको हो। २२ भदौ, काठमाडौं।
जापानमा आयोजना हुन लागेको एसियन गेम्स २०२६ को क्रिकेट प्रतिस्पर्धामा नेपालले समूह चरणमा अफगानिस्तान र जापानसँग खेल्ने निर्णय भइसकेको छ। समूह चरण पार गरेपछि नेपालको सामना क्वाटरफाइनलमा भारत वा श्रीलंकामध्ये कसैसँग हुने छ। समूह ‘ए’ मा रहेका नेपाल समूह विजेता भए सिधै श्रीलंकासँग खेल्नेछ। यदि समूहमा उपविजेता भएमा नेपाल भारतसँग क्वाटरफाइनल खेल्नेछ। नेपालले सन् २०२३ को एसियन गेम्समा पनि क्वाटरफाइनलमा भारतसँग प्रतिस्पर्धा गरी पराजित भइसकेको छ।
समूह ‘बी’ मा हङकङ, मलेसिया र ओमान रहेका छन् भने भारत, बंगलादेश, श्रीलंका र पाकिस्तान सिधै क्वाटरफाइनल प्रवेश गरिसकेको छ। हरेक समूहबाट शीर्ष दुई टोलीले क्वाटरफाइनलमा प्रवेश गर्ने व्यवस्था गरिएको छ। यसपटक नेपालले सिंगापुरमा सम्पन्न एसियन गेम्स छनोटमा अपराजित रहँदै प्रतियोगितामा स्थान बनाएको थियो।
