प्रधानमन्त्री दैवी प्रकोप राहत कोषमा ९ वटा खाताहरुमा ८ अर्ब ७६ करोड ६९ लाख रुपैयाँ र दुई अमेरिकी डलर खातामा २ करोड ११ लाख ८ हजार ४७१ अमेरिकी डलर मौज्दात रहेको छ। अर्थ मन्त्रालयका अनुसार, अमेरिकी डलरलाई १५०.८८ को दरले रूपान्तरण गर्दा कोषको कुल मौज्दात ११ अर्ब ९५ करोड १७ लाख रुपैयाँ पुगेको छ।
रसुवा–भोटेकोशी बाढीपछिको कुल सङ्कलन ७ अर्ब ६८ करोड ४४ लाख रुपैयाँ र २ करोड ५ लाख २२ हजार ४२३ अमेरिकी डलर पुगेको छ। यो विपद् अघिको २ अर्ब ८ करोड २४ लाख रुपैयाँ मौज्दातबाहेकको रकम हो। भदौ २३ गते एकै दिनमा ३० करोड ६२ लाख रुपैयाँ र १ लाख १२ हजार ३२ अमेरिकी डलर प्राप्त भएको छ।
राहत तथा उद्धार कार्यका लागि भदौ १६ गते राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई १ अर्ब रुपैयाँ हस्तान्तरण गरिएको छ।
