जापानको आइची-नागोयामा सेप्टेम्बर १९ देखि अक्टोबर ४ सम्म आयोजना हुने २०औं एसियन खेलकुदमा नेपालबाट २१ खेलका १३५ खेलाडी सहभागि हुने निर्धारण गरिएको छ। सिंहदरबारमा आयोजित बिदाइ समारोहमा खेलाडी र पदाधिकारीसहित कुल २११ सदस्यीय टोलीको नेपालबाट सहभागिता हुने जानकारी दिइयो। प्रारम्भमा तय भएका २२ खेलका १३७ खेलाडीबाट ब्रेकिङ डान्स र उसुका १–१ खेलाडी कम हुँदा संख्या २१ खेल र १३५ खेलाडीमा झरेको छ। सन्दर्भः २६ भदौ, काठमाडौं।
नेपालबाट २१ खेलका १३५ खेलाडी २०औं एसियन खेलकुदमा प्रतिस्पर्धा गर्न लागेका छन्। सेप्टेम्बर १९ देखि अक्टोबर ४ सम्म आयोजना हुने उक्त प्रतियोगितामा नेपालबाट १३५ खेलाडीसहित कुल २११ सदस्यीय टोली सहभागी हुनेछ। बिहीबार सिंहदरबारस्थित शिक्षा तथा खेलकुद मन्त्रालयमा आयोजित बिदाइ समारोहमा नेपालबाट सहभागी हुने खेलाडी र पदाधिकारीसहितको टोलीको अन्तिम संख्या सार्वजनिक गरिएको छ।
पहिलो चरणमा नेपालबाट २२ खेलमा १३७ खेलाडीको सहभागिता तय थियो, तर ब्रेकिङ डान्स र उसुका १–१ खेलाडी घटेपछि संख्या २१ खेल र १३५ खेलाडीमा झरेको हो। ब्रेकिङ डान्सका एक्लो खेलाडी सुनिल बम्जनले सहभागिता नजनाउने निर्णय गरेपछि ब्रेकिङ डान्स खेलबाट नेपालको सहभागिता हटाइएको छ। अब नेपालबाट २१ खेलमा ५७ महिला र ७८ पुरुष गरी कुल १३५ खेलाडीले २०औं एसियन खेलकुदमा प्रतिस्पर्धा गर्नेछन्। साथै, २९ प्रशिक्षक, १७ व्यवस्थापक र २ खेल प्राविधिक पनि सहभागी हुनेछन्।
नेपालका खेलाडीहरु आर्चरीमा २, एथलेटिक्समा ६, ब्याडमिन्टनमा ४, बक्सिङमा ७, क्रिकेटमा १५, साइक्लिङमा २, गल्फमा ४, जुडोमा ६, कबड्डीमा २४, करातेमा ८, र्याफ्टिङ र क्यानोइङमा २–२, स्केट र स्केट बोर्डिङमा २–२, सफ्ट टेनिसमा ४, स्क्वाशमा २, पौडीमा ५, टेबल टेनिसमा ६, तेक्वान्दोमा ३, टेनिसमा ५, भलिबलमा १२, कुस्तीमा ६ र उसुमा १० खेलाडीहरूले एसियन खेलकुदमा प्रतिस्पर्धा गर्नेछन्। २०औं एसियन खेलकुदमा बास्केटबल प्रतिस्पर्धा सेप्टेम्बर १० देखि सुरु भइसकेको छ भने औपचारिक उद्घाटन सेप्टेम्बर १९ मा हुनेछ।
