१६ असोज, काठमाडौं । ओमानमा आयोजना हुन लागेको आईसीसी क्रिकेट विश्वकप लिग २ अन्तर्गत ओमान, क्यानडा र नेपालबीच हुने श्रृंखलाका लागि नेपालको राष्ट्रिय टोली घोषणा गरिएको छ। नेपाल क्रिकेट संघ (क्यान) ले शुक्रबार जारी गरेको प्रेस विज्ञप्तिमार्फत नेपाली टोलीको घोषणा गरेको हो। अघिल्लो एसीसी प्रिमियर कपमा रहेका टोलीमा एउटा परिवर्तन गरिएको र नयाँ खेलाडी थपिएको छ।
पेस बलर हेमन्त धामीलाई हटाउँदै नन्दन यादवलाई टोलीमा समावेश गरिएको छ। साथै, बाँयाहाते स्पिनर शाहब आलम पनि टोलीमा समावेश भएका छन्। ओपनिङ ब्याट्सम्यान कुशल भुर्तेल र पेस बलर सोमपाल कामी यस श्रृंखलाका लागि टोलीमा परेनन्। ओपनर अर्जुन कुमाल र आसिफ शेखले टोलीमा आफ्नो स्थान कायम राखेका छन्।
लिग २ अन्तर्गत यो श्रृंखला अक्टोबर ७ (असोज २१) देखि ओमानमा सुरु हुनेछ। यसैगरी, क्यानडाका लागि पनि टोली घोषणा भइसकेको छ। नेपालको टोली: सन्दीप लामिछाने (कप्तान), दीपेन्द्रसिंह ऐरी, रोहित पौडेल, आसिफ शेख, अर्जुन कुमाल, इशान पान्डे, देव खनाल, सन्दीप जोरा, बसिर अहमद, गुल्शन झा, करण केसी, नन्दन यादव, ललित राजवंशी, शाहब आलम, शेर मल्ल।
