आईजीपी कार्कीले प्रहरी प्रमुखहरूलाई जिम्मेवारी प्रभावकारी रूपमा निर्वाह गर्न निर्देशन दिए
काठमाडौँ । प्रहरी महानिरीक्षक (आईजीपी) दानबहादुर कार्कीले देशभरका प्रहरी कार्यालयका प्रमुखहरूलाई आआफ्नो जिम्मेवारी प्रभावकारी रूपमा निर्वाह गर्न निर्देशन दिएका छन्। प्रहरी प्रधान कार्यालयबाट भर्चुअल कन्फरेन्समार्फत आयोजित कार्यक्रममा आईजीपी कार्कीले समसामयिक विषयमा आवश्यक निर्देशन दिँदै प्रहरी कार्यालयहरूलाई आफ्नो जिम्मेवारीप्रति सक्रिय र जिम्मेवार भएर काम गर्न आग्रह गरेका हुन्।
कार्यक्रममा काठमाडौँ उपत्यका प्रहरी कार्यालय, प्रदेश प्रहरी कार्यालयहरू, नेपाल प्रहरी प्रदेश कार्यालयहरू, विभिन्न तालिम केन्द्र, जिल्ला प्रहरी कार्यालय, राजमार्ग तथा ट्राफिक सुरक्षा व्यवस्थापन कार्यालय, प्रहरी गण तथा गुल्म र जिल्ला ट्राफिक प्रहरी कार्यालयका प्रमुखहरूको सहभागिता थियो। त्यसैगरी, प्रहरी निरीक्षकको नेतृत्वमा रहेका विभिन्न प्रहरी कार्यालयका प्रमुखहरू पनि भर्चुअल माध्यमबाट कार्यक्रममा सहभागी भएका थिए। कार्यक्रममा प्रहरी प्रधान कार्यालयका विभागीय प्रमुखहरूको समेत उपस्थिति रहेको थियो। आईजीपी कार्कीले प्रहरी संगठनअन्तर्गतका सबै कार्यालयलाई तोकिएको जिम्मेवारी प्रभावकारी रूपमा पूरा गर्न निर्देशन दिएका थिए।
