काठमाडौं । प्रहरी महानिरीक्षक (आईजीपी) पदबाट हटाउने सरकारको निर्णयविरुद्ध दानबहादुर कार्कीका कानुन व्यवसायी रिट निवेदन लिएर सर्वोच्च अदालत पुगेका छन् ।
आफूलाई पदबाट हटाउने निर्णय अन्यायपूर्ण भएको जिकिरसहित कार्कीले कानुनी चुनौती दिन लागेका हुन् । उनका तर्फबाट कानुन व्यवसायीहरूले रिट निवेदन पेस गर्न अदालतको प्रशासनिक प्रक्रिया अघि बढाएका छन् । निवेदन दर्ता हुने वा नहुने विषय भने टुंगिन बाँकी छ ।
बुधबार बसेको मन्त्रिपरिषद् बैठकले कार्कीलाई प्रहरी महानिरीक्षकबाट हटाएर प्रधानमन्त्रीको सुरक्षा सल्लाहकार नियुक्त गर्ने निर्णय गरेको थियो । सोही बैठकले अतिरिक्त प्रहरी महानिरीक्षक (एआईजी) मनोज केसीलाई नयाँ आईजीपी नियुक्त गरेको थियो ।
सरकारको उक्त निर्णयपछि कार्की न्यायिक उपचारका लागि सर्वोच्च पुगेका हुन् ।
सम्बन्धित खबर
