भोटेकोशी-त्रिशूली तटीय बाढी: ७,००० भन्दा बढी विद्यार्थी प्रभावित, पुनः पढाइको सुनिश्चितता कसरी गर्ने?

बुधबार आएको विनाशकारी बाढीका कारण रसुवा, नुवाकोट र धादिङ जिल्लाका ७,००० भन्दा बढी विद्यार्थी प्रभावित भएका अधिकारीहरूले बताएका छन्। अचानक आएको बाढीले रसुवा, नुवाकोट र धादिङका २१ वटा विद्यालय क्षतिग्रस्त भएका छन् भनी शिक्षा तथा खेलकुद मन्त्रालयका सहायक प्रवक्ता वीरबहादुर धामीले जानकारी दिए। “रसुवाका ६, नुवाकोटका ७ र धादिङका ८ गरी जम्मा २१ सामुदायिक तथा संस्थागत विद्यालयका करिब ७,२०० विद्यार्थीहरू प्रभावित भएका छन्,” उनले बीबीसी समाचारसँग भने।

अधिकारीहरूको अनुसार बाढीले बढी क्षति पुर्याएको रसुवा र नुवाकोटका विद्यालयहरूमा विकाश परेको छ। “रसुवाका ६ वटा विद्यालयमा ठूलो क्षति भएको छ भने नुवाकोटका ७ मध्ये ४ विद्यालयमा बढी क्षति पुगेको छ,” सहायक प्रवक्ता धामीले थपे। नुवाकोटका केही विद्यालयहरूमा लेदो भरिएको स्थानीय शिक्षा अधिकारीहरूले बताएका छन्। शिक्षा विकास तथा समन्वय एकाइ, नुवाकोटका प्रमुख सूर्यबहादुर खत्रीले प्रभावित ७ मध्ये ४ विद्यालयहरू पूर्णतया क्षतिग्रस्त भएको जानकारी दिए।

बाढीपछि केही शिक्षक र विद्यार्थीहरू सम्पर्कविहीन भएका अधिकारीहरूले जनाएका छन्। मन्त्रालयद्वारा उपलब्ध गराइएको पछिल्लो विवरणमा २१३ विद्यार्थी र ९ शिक्षकहरू सम्पर्कविहीन रहेका छन्। प्रवक्ता धामीका अनुसार रसुवामा केही प्रधानाध्यापक र वडा सदस्यहरू पनि सम्पर्कविहीन छन्। नुवाकोटका प्रमुख खत्रीले भने त्यहाँ हालसम्म कुनै विद्यार्थी वा शिक्षक हराएको छैन भनी जानकारी दिए। “बाढी आउनुअघि सबैलाई सुरक्षित स्थानमा सारिएको थिएँ, त्यसैले कुनै अप्रिय घटना भएको छैन,” उनले भने।

क्षतिको स्तर हेर्दा केही पुराना विद्यालयहरूमा पठनपाठन पुनः सुरु गर्न असम्भव देखिएको स्थानीय र संघीय सरकारका अधिकारीहरूले बताएका छन्। विशेषगरी विनाशकारी बाढीले पहिलो पटक ठूलो क्षति पुर्याएको रसुवा र त्यसपछि नुवाकोटका प्रभावित विद्यालयहरूमा यस्तो अवस्था देखिएको छ। “पूर्ण क्षतिग्रस्त भएका विद्यालयमा पठनपाठन पुनः गराउन सकिँदैन। अरू विकल्प नगतै ती विद्यालयमा पढाउन सकिदैन,” खत्रीले भने। शिक्षा मन्त्रालयका सहायक प्रवक्ता धामीले पनि तत्काल पठनपाठन सुरु हुने सम्भावना नभएको प्रतिक्रिया दिए। “अहिले त्यहाँ जाने बारेमा सोच्न सकिँदैन,” उनले जोड दिए।