इरानी सेनाले यूएईस्थित अमेरिकी सैन्य अखडामा गरेको आक्रमणको दावी, यूएईको जवाफ के छ?

इरानी सेनाले यूएईको अल-मिन्हादस्थित अमेरिकी सैन्य अखडामा आक्रमण गरेको दावी गर्दै लारक टापुमा अमेरिकी आक्रमणको जवाफी कारबाही भएको जनाएको छ। यूएईको रक्षा मन्त्रालयले इरानतर्फबाट आफ्नो जलक्षेत्रमा प्रवेश गरेको एउटा ड्रोनलाई वायुसेनाले कारबाही गरेको पुष्टि गरेको छ। रक्षा मन्त्रालयले सशस्त्र बलहरू उच्च सतर्कतामा रहेको र हवाई क्षेत्रको निगरानी चौबिसै घण्टा भइरहेको जनाएको छ।

१५ भदौ, काठमाडौं। इरानी सेनाले संयुक्त अरब इमिरेट्स (यूएई) मा रहेको अमेरिकी सैन्य अखडालाई निशाना बनाएर आक्रमण गरेको दावी गरेको छ। यता, यूएईको रक्षा मन्त्रालयले भने इरानतर्फबाट आफ्नो जलक्षेत्रमा प्रवेश गर्दै गरेको एउटा ड्रोनलाई आफ्नो वायुसेनाले कारबाही गरेको पुष्टि गरेको छ।

सूचनाका अनुसार, इरानी सेनाको जनसम्पर्क विभागले यूएईको अल-मिन्हाद बेसमा रहेका अमेरिकी हेलिकोप्टर र सैन्य अखडाहरूलाई लक्षित गरी आक्रमण गरिएको जनाएको छ। इरानका अनुसार, यो आक्रमण गत राति अमेरिकी सेनाले लारक टापुमा रहेका दुईवटा इरानी लन्चरहरूमाथि गरेको आक्रमणको जवाफी कारबाही हो।

यूएईको रक्षा मन्त्रालयले सामाजिक सञ्जाल एक्स मार्फत एक विज्ञप्ति जारी गर्दै इरानबाट आएको ड्रोनलाई वायुसेनाले जवाफ रोकेको जनाएको छ। ‘यूएईको वायुसेनाले देशको जलक्षेत्रमाथि इरानतर्फबाट आइरहेको एउटा यूएभी (ड्रोन) पत्ता लगाएको र त्यसमाथि कारबाही गरेको छ,’ रक्षा मन्त्रालयको विज्ञप्तिमा भनिएको छ। यद्यपि, उक्त ड्रोनलाई आकाशमै खसालिएको हो वा त्यसले आफ्नो निश्चित लक्ष्यमा प्रहार गर्‍यो भन्नेबारे मन्त्रालयले थप जानकारी दिएको छैन।