किलियन एमबाप्पेले अन्तिम समयमा पेनाल्टीमा गोल गर्न नसक्दा रियल मड्रिड ला लिगामा रियल बेटिससँग पराजित भएको छ। बेटिसका ट्रोय पाराटले ८१औं मिनेटमा गरेका गोल निर्णायक सावित भएका छन्। यस हारसँगै रियलको यस सिजनको अपराजित यात्रा समाप्त भएको छ। २० भदौ, काठमाडौँ।
स्पेनिस ला लिगामा शुक्रवार राति रियल मड्रिड रियल बेटिससँग १-० ले पराजित भएको हो। एक गोलले पछि परेको अवस्थामा रियलले दोस्रो हाफको इन्जुरी टाइममा पेनाल्टी पाएको थियो। तर एमबाप्पेले पेनाल्टीमा गोल गर्न सकेनन्। बेटिसका लागि ट्रोय पाराटले ८१औं मिनेटमा गरेको गोल निर्णायक बन्यो। उनी ६८औं मिनेटमा वैकल्पिक खेलाडीको रूपमा मैदान प्रवेश गरेका थिए।
खेलको अन्त्यतिर बेटिसका नाथनले भिनिसियस जुनियरलाई पेनाल्टी क्षेत्रमा फल गरेपछि रियलले पेनाल्टी पाएको थियो। तर बेटिसका गोलकिपर अल्भारो भालेसले एमबाप्पेको पेनाल्टी रोक्दै शानदार जित दिलाउन सहयोग गरे। यस सिजन रियलको यो पहिलो हार हो। जोसे मोउरिन्होको प्रशिक्षकत्वमा सुरुका तीन खेल जित्दै शानदार सुरुवात गरेको रियलको शतप्रतिशत नतिजामा ब्रेक लागेको छ। चौथो खेलमा बेटिसले यो तेस्रो जित हात पारेको छ र ९ अंक जोडेर तेस्रो स्थानमा उक्लिएको छ। समान अंक भएको रियल गोल अन्तरमा अगाडि रहेर दोस्रो स्थानमा छ।
