अखिल नेपाल कबड्डी संघका महासचिव अरविन्दकुमार झा जापानमा सम्पन्न अन्तर्राष्ट्रिय कबड्डी महासंघ (आईकेएफ) को जनरल एसेम्बलीबाट सचिव पदमा निर्वाचित भएका छन्। अन्तर्राष्ट्रिय कबड्डी महासंघको सचिवमा नेपाली प्रतिनिधि निर्वाचित हुनु नेपाली खेलकुदका लागि महत्वपूर्ण उपलब्धि मानिएको छ। संघ परिवारले झालाई बधाई दिँदै आगामी कार्यकालमा सफलताको शुभकामना प्रदान गरेको छ। ६ असोज, काठमाडौं।
झा सचिव पदमा निर्वाचित भएपछि नेपालका खेलाडीहरूले अन्तर्राष्ट्रिय एक्सपोजर पाउन सहज हुने अपेक्षा गरिएको छ। ‘अन्तर्राष्ट्रिय एक्सपोजरको लागि सहज हुन्छ। कबड्डीको विकासमा सहयोग पुग्छ। अब नेपालमा दुई अन्तर्राष्ट्रिय प्रतियोगिता हुँदैछन्। त्यसलाई सहयोग पुग्नेछ’ अध्यक्ष निर्वाचित झाले भने। नेपालमा आयोजना हुने यी दुवै अन्तर्राष्ट्रिय प्रतियोगिताहरू एसेम्बलीबाट पारित भइसकेको छ। नोभेम्बर महिनामा नेपालमा फोर नेशन्स कप र आगामी मार्चमा एसियन वुमेन्स च्याम्पियनसिप आयोजना हुँदैछ।
नेपालबाट अन्तर्राष्ट्रिय कबड्डी महासंघको सचिवमा प्रतिनिधि निर्वाचित हुनु अखिल नेपाल कबड्डी संघले नेपाली खेलकुदका लागि महत्वपूर्ण उपलब्धि ठहराएको छ। संघले झालाई बधाई तथा आगामी कार्यकालको सफलताको शुभकामना व्यक्त गरेको छ।
