कजाकिस्तानको कास्पियन सागर तटीय क्षेत्रमा नौसैनिक अभ्यासको क्रममा समुद्रमा खसेका १७ सैनिकमध्ये १४ जनाको मृत्यु भएको रक्षा मन्त्रालयले जनाएको छ। पश्चिमी मङ्गिस्टाउ क्षेत्रमा बिहीबार लडाइँ प्रशिक्षणका क्रममा अचानक मौसम बिग्रिएपछि भएको दुर्घटनामा ३ सैनिकलाई उद्धार गरिएको थियो। राष्ट्रपति कासिम–जोमार्ट टोकायेभले दुर्घटनाको विषयमा छानबिन गर्न सरकारी आयोग गठन गर्न आदेश दिएका छन् र शुक्रबार राष्ट्रिय शोकको दिन घोषणा गरेका छन्। ९ असोज, अल्माटी (कजाकिस्तान) (रासस/एएफपी) – कजाकिस्तानको कास्पियन सागरको तटीय क्षेत्रमा नौसैनिक अभ्यासका क्रममा भएको दुर्घटनामा १४ सैनिकको मृत्यु भएको छ। रक्षा मन्त्रालयले शुक्रबार थप दुइ शव फेला पर्दा मृतकको संख्या १४ पुगेको पुष्टि गरेको छ। पश्चिमी मङ्गिस्टाउ क्षेत्रमा बिहीबार लडाइँ प्रशिक्षण अभ्यास भइरहेकाकालागि मौसम अचानक बिग्रंदा १७ जना सैनिक समुद्रमा खसेका थिए। तीमध्ये ३ जनालाई उद्धार गरिएको रक्षा मन्त्रालयले जनाएको छ। मन्त्रालयले टेलिग्राममार्फत बुधबार खोज तथा उद्धार अभियान सम्पन्न भएको जानकारी गराउँदै घटनामा १४ सैनिकको ज्यान गएको पुष्टी गरेको हो। यसअघि अधिकारीहरुले १२ जनाको मृत्यु भएको जनाएका थिए। कजाकिस्तानका राष्ट्रपति टोकायेभले दुर्घटनाको कारण र परिवेशबारे अनुसन्धान गर्न सरकारी आयोग गठन गर्न आदेश दिएका छन्। घटनासँग सम्बन्धित आपराधिक अनुसन्धान पनि सुरु गरिएको छ। राष्ट्रपति टोकायेभले शुक्रबारलाई राष्ट्रिय शोकको दिन घोषित गरेका छन्। दुर्घटनापछि खोज तथा उद्धार टोलीहरूले समुद्रमा बेपत्ता भएका सैनिकहरूको खोजीलाई प्राथमिकता दिएका थिए। प्रारम्भिक विवरणअनुसार, प्रतिकूल मौसमका कारण अभ्यासका क्रममा सैनिकहरू समुद्रमा खसेका थिए।
