पाकिस्तानको डेरा इस्माइल खानको दराजिन्दा क्षेत्रमा आयोजना गरिएको अमन मेलाको नजिकै भएको शक्तिशाली विस्फोटमा कम्तीमा ११ जनाको मृत्यु भएको छ। यस घटनामा थप ३० भन्दा बढी व्यक्ति घाइते भएको जानकारी प्राप्त भएको छ। बीबीसी उर्दूका अनुसार, घटनास्थलबाट मृतक ११ जनाको शव पनि बरामद गरिएको छ। उद्धारकर्ताहरुले घाइतेहरूलाई प्राथमिक उपचार दिएर विभिन्न अस्पतालमा भर्ना गराएका छन्। अधिकारीहरूले घटनास्थलको अवस्थालाई निरन्तर निगरानीमा राखेको उल्लेख गरेका छन्। विस्फोटको प्रकृति र यसको कारणबारे विस्तृत विवरण आउन अझै बाँकी छ।
