प्रथम मुन्दुम ट्रेल रेस ६० किमी पुरुषतर्फ नेपाल आर्मीका होमलाल श्रेष्ठले ६ घण्टा ५० मिनेट ४६ सेकेण्डमा जितेका छन्। महिला ६० किमी अल्ट्रा रेस खोटाङकी निर्मला राईले ८ घण्टा २० मिनेट ०३ सेकेण्डमा पहिलो स्थान हासिल गरिन्। मुन्दुम अल्ट्रा ट्रेल रेस भोजपुरमा आयोजना भएको थियो। २४ चैत, काठमाडौं।
प्रथम मुन्दुम ट्रेल रेसको उपाधि होमलाल श्रेष्ठ र निर्मला राईले जितेका छन्। नेपाल आर्मीका होमलाल श्रेष्ठले पुरुष ६० किमी अल्ट्रा र खोटाङकी निर्मलाले महिला ६० किमी अल्ट्रातर्फ पहिलो स्थान हासिल गरेका हुन्। होमलाल श्रेष्ठले निर्धारित दूरी ६ घण्टा ५० मिनेट ४६ सेकेण्डमा पूरा गरे। यस्तै दोस्रो भएका अर्जुनल कुलुङ राईले ६ घण्टा ५६ मिनेट ०३ सेकेण्ड तथा तेस्रो भएका मिलन राईले ७ घण्टा ६ मिनेट ०३ सेकेण्ड समयमा दौड पूरा गरे।
महिलातर्फ विजेता निर्मलाले निर्धारित दूरी ८ घण्टा २० मिनेट ०३ सेकेण्डमा पूरा गरिन्। दोस्रो भएकी आस्मा विकले ९ घण्टा २१ मिनेट ३२ सेकेण्ड तथा तेस्रो भएकी आङ फुर्बा शेर्पाले १० घण्टा ५६ मिनेट १२ सेकेण्ड समय लगाइन्। मुन्दुम अल्ट्रा ट्रेल आयोजक समितीको आयोजनामा प्रथम मुन्दुम ट्रेल रेस भोजपुरमा आयोजना भएको हो। भोजपुरको सबैभन्दा धेरै तापक्रम भएको ठाउँ अरुण नदिको छेउबाट सुरु भई भोजपुरकै सबैभन्दा अग्लो स्थानमा रहेको पाँचधारे तावा भन्ज्याङमा पुगेर रेस समापन भएको थियो।
६० किमीतर्फ पहिलो हुनेले ८० हजार, दोस्रोले ६० हजार र तेस्रोले ४० हजार पुरस्कार प्राप्त गरे। त्यस्तै ४५ किमीतर्फ नेपाल आर्मीकै गोपाल तामाङ प्रथम, पाँचथरका रमेश लिम्बु दोस्रो र भोजपुरका उमेश राई तेस्रो भए। ४५ किमी महिलातर्फ पाँचथरकी पुष्पा लिम्बु प्रथम, आर्मीकी राज्यलक्ष्मी रावल दोस्रो र रुस्मा राई तेस्रो भइन्। ४० किमीतर्फ विजेताले नगद ५० हजार, दोस्रोले ३० र तेस्रोले २० हजार प्राप्त गरे।
