विश्वप्रसिद्ध जापानी कराते पोशाक कम्पनी ‘सुराई दो’ ले कराते खेलाडी एरिका गुरुङलाई प्रायोजन गरेको छ। गुरुङलाई ४ सेट कराते पोशाक, १ थान ब्याग, ४ वटा शिन गार्ड, ४ वटा बेल्ट, ४ जोडी ग्लोब्स र ५ वटा टिसर्ट उपलब्ध गराइएको छ। राष्ट्रिय कराते टिमका प्रशिक्षक कुशल श्रेष्ठले प्रायोजनले खेलाडीको मनोबल उच्च हुने विश्वास प्रकट गरे।
२४ चैत, काठमाडौं। विश्वप्रसिद्ध जापानी कराते पोशाक निर्माण कम्पनी ‘सुराई दो’ ले नेपालको ऐतिहासिक पदक विजेता कराते खेलाडी एरिका गुरुङलाई औपचारिक रूपमा कराते सामग्री प्रायोजन गरेको छ। यस कम्पनीबाट यस्तो अवसर पाउने उनी पहिलो नेपाली खेलाडी बन्न सफल भएकी छन्। प्रायोजन अन्तर्गत गुरुङलाई ४ सेट कराते पोशाक, १ थान ब्याग, ४ वटा शिन गार्ड, ४ वटा बेल्ट, ४ जोडी ग्लोब्स र ५ वटा टिसर्ट उपलब्ध गराइएको छ। यस सम्बन्धी सम्झौता २ वर्षका लागि गरिएको छ र कम्पनीले प्रत्येक वर्ष यसैगरी सामग्री प्रदान गर्ने जनाएको छ।
राष्ट्रिय कराते टोलीका मुख्य प्रशिक्षक कुशल श्रेष्ठका अनुसार, यस्ता अन्तर्राष्ट्रिय सहयोगले खेलाडीको मनोबल उच्च हुने र प्रदर्शनमा सकारात्मक प्रभाव पर्ने विश्वास व्यक्त गरे। सुराई दो जस्तो विश्वप्रसिद्ध ब्रान्डले नेपाली खेलाडीलाई प्रायोजन गर्नु नेपाली कराते क्षेत्रमा महत्त्वपूर्ण उपलब्धि मानिएको छ। यसले नेपाली खेलाडीप्रति अन्तर्राष्ट्रिय ब्रान्डहरूको बढ्दो चासो देखाउँछ। टोली प्रशिक्षक कुशल श्रेष्ठले प्रायोजनका लागि स्वयं पहल गरेको उल्लेख गर्दै यस्तो सहकार्यले भविष्यमा थप नेपाली खेलाडीहरूले अन्तर्राष्ट्रिय स्तरमा अवसर प्राप्त गर्ने सम्भावना बढाउने र नेपालमा करातेको विकास तथा प्रवर्द्धनमा महत्वपूर्ण योगदान रहने विश्वास व्यक्त गरे।
सम्बन्धित खबर
