२७ चैत, काठमाडौं । पछिल्लो दुई सातामा अफगानिस्तानमा परेको बाढीले दश हजारौं मानिसहरूलाई प्रभावित बनाएको छ। संयुक्त राष्ट्रसंघका तथ्यांकअनुसार, मार्च २६ देखि अप्रिल ६ सम्म अफगानिस्तानमा अत्यन्तै भारी वर्षा भयो। वर्षाका कारण आएको बाढीले सयौं गाउँहरू पूरै जलमग्न भएका छन् र ७३ हजारभन्दा बढी मानिसहरू प्रभावित भएका छन्। बाढीले नौ हजारभन्दा बढी घरहरूमा क्षति पुर्याएको छ। यसैगरी, कृषिको बाली र जग्गा पूर्णरूपमा नष्ट भएका छन् जसले प्रभावित क्षेत्रहरूमा खाद्य सुरक्षामा गम्भीर चुनौतीहरू निम्त्याएको छ।
