एनभीए अवार्डमा पुलिस र न्यु डायमण्डको वर्चस्व, पहल र सुमित्रा निर्विरोध उत्कृष्ट खेलाडी

नेपाल भलिबल संघले आयोजना गरेको छैटौं एनभीए अवार्डमा नेपाल पुलिस क्लब र न्यु डायमण्ड युथ स्पोर्ट्स क्लबले समान ३–३ अवार्ड जितेका छन्। पुरुषतर्फ पुलिसका पहल गहतराज र महिलातर्फ न्यु डायमण्डकी सुमित्रा रेग्मी वर्ष उत्कृष्ट खेलाडी घोषणामा परे र प्रत्येकले ५० हजार रुपैयाँ पुरस्कार प्राप्त गरे।

माल्दिभ्समा सम्पन्न काभा यू–१९ महिला भलिबल च्याम्पियनसिपमा रजत पदक जितेको नेपाली टोलीलाई ६ लाख रुपैयाँसहित विशेष सम्मान प्रदान गरिएको थियो। ३० चैत, काठमाडौं। नेपाल भलिबल संघले आयोजन गरेको छैटौं एनभीए अवार्डमा नेपाल पुलिस क्लब र न्यु डायमण्ड युथ स्पोर्ट्स क्लबले वर्चस्व जमाएका छन्।

वर्ष उत्कृष्ट खेलाडीमा पुरुषतर्फ पुलिसका पहल गहतराज र महिलातर्फ न्यु डायमण्डकी सुमित्रा रेग्मी घोषित भए। उनीहरूले प्रत्येकले ५० हजार रुपैयाँ पुरस्कार पाए। पुलिस र न्यु डायमण्डले समान ३–३ अवार्ड जितेका हुन्। पुरुषतर्फ पुलिसका चन्द्र कुँवर उत्कृष्ट प्रशिक्षक घोषित भए भने पुलिस उत्कृष्ट टिम चयन भयो। महिलातर्फ न्यु डायमण्डका कुमार राई उत्कृष्ट प्रशिक्षक घोषित भए र न्यु डायमण्ड उत्कृष्ट टिम बन्यो।

उत्कृष्ट टिमले २–२ लाख रुपैयाँ पुरस्कार पायो। उदीयमान (इमर्जिङ) खेलाडी पुरुषतर्फ त्रिभुवन आर्मी क्लबका विवश थापा र महिलातर्फ एभरेष्ट भलिबल क्लबकी मिना सुनार घोषित भए। उनीहरूले पनि जनही ५० हजार रुपैयाँ पुरस्कार पाए। त्यस्तै, प्रशिक्षक जगदीश भट्ट र भरत यादव तथा खेल पत्रकार श्रीविक्रम भण्डारीलाई पनि सम्मान गरिएको थियो।