आईपीएलमा हैदराबादको तेस्रो जित, चेन्नईको चौथो हार

५ वैशाख, काठमाडौं। सनराइजर्स हैदरबादले इन्डियन प्रिमियर लिग (आईपीएल) क्रिकेटमा तेस्रो जित दर्ता गरेको छ। शनिबार राति सम्पन्न खेलमा हैदरबादले चेन्नई सुपर किङ्सलाई १० रनले पराजित गरेको हो। हैदरबादले दिएको १९५ रनको लक्ष्य पछ्याएको चेन्नईले पूरा २० ओभरमा ८ विकेट गुमाउँदै १८४ रन मात्र बनाउन सकेको छ। म्याट शर्टले सर्वाधिक ३४ रन बनाएका थिए।