काठमाडौं । शुक्रबारदेखि नेपाली फिल्म ‘परालको आगो’ र हलिउड फिल्म ‘माइकल’ देशव्यापी हलमा प्रदर्शनमा आएका छन्। यी दुई फिल्म दर्शकमाझ निकै प्रतिक्षित थिए। १३३ मिनेट लामो ‘परालको आगो’ फिल्म गुरुप्रसाद मैनालीको चर्चित सोही नामको कथामा आधारित छ। लक्ष्मण सुनार निर्देशित यस फिल्ममा सुहाना थापा, सौगात मल्ल, प्रकाश सपुत, र सिर्जना अधिकारी मुख्य भूमिकामा छन्। फिल्मले परिवार र दम्पतीको कथावस्तु समेटेको छ र पारिवारिक दर्शकहरूलाई मनपर्ने थलो हो। यदि तपाईंले पहिले ‘परालको आगो’ कथा पढ्नुभएको छ भने यसको फिल्म रूपान्तरण तपाईंलाई मन पर्न सक्छ।
अर्कोतर्फ, शुक्रबारबाट प्रदर्शनमा आएको हलिउड फिल्म ‘माइकल’ पपका राजा माइकल ज्याक्सनको जीवन कथामा आधारित छ। चलचित्रले ज्याक्सनको बाल्यकालदेखि सुपरस्टार बन्ने यात्रासम्मको कथा प्रस्तुत गर्छ। कथा सन् १९६० को दशकमा रहेको ‘ज्याक्सन फाइव’ समूहबाट सुरु हुन्छ, जहाँ सानो माइकल आफ्नो कडा अनुशासित पिता अन्तर्गत संगीत अभ्यास गर्न बाध्य छन्। संघर्षको बीचमा उनको असाधारण प्रतिभा प्रकट हुन्छ र बिस्तारै उनी एकल गायकका रूपमा स्थापित हुन्छन्। उनले ‘अफ द वाल’, ‘थ्रीलर’, र ‘ब्याड’ जस्ता एल्बममार्फत विश्वव्यापी लोकप्रियता प्राप्त गरे र ‘किङ अफ पप’ को ख्याति ल्याए। फिल्मले उनको प्रसिद्धि, पारिवारिक जटिल सम्बन्धहरू र कलाकार भएर उत्कृष्टता प्रप्ति गर्न गरेको अथक प्रयासलाई मुख्य विषय बनाएको छ। कथा मुख्यतया सन् १९८० को दशकको चरम शोभासम्म पुगेर समापन हुन्छ, विशेषगरी ‘ब्याड टूर’ को समयमा। यस बायोग्राफिकल म्युजिकल ड्रामा फिल्मलाई एन्टोनियो फुकोले निर्देशन गरेका हुन् र मुख्य भूमिकामा माइकलका भतिजा जाफर ज्याक्सन छन्।
