सरकारले सहकारी र संवैधानिक परिषदसम्बन्धी दुईवटा अध्यादेश जारी गर्न राष्ट्रपति रामचन्द्र पौडेल समक्ष सिफारिस गरेको छ। सोमबार बसेको मन्त्रिपरिषद् बैठकले ती दुई अध्यादेश जारी गर्न सिफारिस गरेको हो। राष्ट्रपतिको प्रेस सल्लाहकार किरण पोखरेलले भने, “मन्त्रिपरिषद्बाट दुई अध्यादेश सिफारिस भएर आएको छ।” १५ वैशाख, काठमाडौं।
सरकारले दुईवटा अध्यादेश जारी गर्न राष्ट्रपति रामचन्द्र पौडेल समक्ष सिफारिस गरेको हो। सोमबारको मन्त्रिपरिषद् बैठकले सहकारी र संवैधानिक परिषदसम्बन्धी दुईवटा अध्यादेश जारी गर्न राष्ट्रपतिसम्म सिफारिस गरेको हो। किरण पोखरेलले थपे, “अहिले अध्ययन भइरहेको छ।” ती अध्यादेशहरू आजै राष्ट्रपति कार्यालय शितलनिवासमा पठाइएको छ।
यसअघि, वैशाख ८ गतेको मन्त्रिपरिषद् बैठकले संसद् अधिवेशन आह्वानका लागि राष्ट्रपति समक्ष सिफारिस गरेको थियो। सिफारिसअनुसार, राष्ट्रपतिले वैशाख १७ गतेका लागि संसद् अधिवेशन आह्वान गरेका थिए। तर, सरकारले फेरि वैशाख १० गते अधिवेशन स्थगित गराउन राष्ट्रपतिसमक्ष सिफारिस गरेको थियो।
सरकारको सिफारिसअनुसार राष्ट्रपतिले अधिवेशन स्थगित गरेका थिए। प्रतिनिधिसभा आह्वान गरिएपनि स्थगित गर्दै सरकारले संवैधानिक परिषद्मा नियुक्तिका लागि अध्यादेश जारी गर्न राष्ट्रपतिसमक्ष सिफारिस गरेको हो। संवैधानिक नियुक्तिका लागि सिफारिस गर्ने संवैधानिक परिषद्मा ६ जना सदस्य रहने व्यवस्था छ। प्रधानमन्त्री, सभामुख, राष्ट्रियसभाका अध्यक्ष, उपसभामुख, प्रधानन्यायाधीश, र विपक्षी दलका नेता सदस्य हुने गर्छन्। हिजो सोमबारमात्रै कांग्रेसले प्रतिनिधिसभामा दलको नेता चयन गरेको छ। कांग्रेसले दलको नेतामा भीष्मराज आङ्देम्बेलाई चयन गरेसँगै संवैधानिक परिषद्ले पूर्णता पाएको छ।
