Skip to main content
Advertisement1200×100-inside-1
Advertisement1200×100-blank-1
Advertisementxtreme adv

मौसममा क्रमिक सुधार, शुक्रबारसम्म वर्षा हुने सम्भावना

Advertisement800×200-1

१७ वैशाख, काठमाडौं। जल तथा मौसम विज्ञान विभागले आजदेखि मौसममा क्रमिक सुधार हुने जानकारी दिएको छ। तर, कोशी, मधेश, बागमती र गण्डकी प्रदेशका केही क्षेत्रहरूमा आगामी शुक्रबारसम्म वर्षा हुन सक्ने सम्भावना छ। यद्यपि, यस वर्षाको मौसमी अवस्था वैशाख हिजो अस्तिको तुलनामा व्यापक नहुने मौसमविद्ले बताएका छन्। पश्चिमी वायु तथा स्थानीय वायुमण्डलीय परिस्थितिका कारण मंगलबार र बुधबार देशका धेरै भागमा वर्षा देखिएको थियो। कतिपय ठाउँमा भारी वर्षा समेत भएको छ। गत २४ घण्टामा सबैभन्दा बढी वर्षा प्युठानको हंसपुरमा रेकर्ड गरिएको छ जहाँ १०४.६ मिलिमिटर वर्षा मापन गरिएको छ। त्यस्तै, कास्कीको रिभानमा ८१ मिलिमिटर वर्षा मापन भएको छ। आज पनि केही क्षेत्रहरूमा वर्षा हुने सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ।
आज वैशाख १७ गते कोशी, मधेश प्रदेशका साथै हिमाली र पहाडी भूभागका केही स्थानहरूमा र तराइका केहि थोरै क्षेत्रहरूमा मेघगर्जन र चट्याङ्गसहित मध्यमदेखि कम वर्षा वा हिमपात हुने सम्भावना छ। आज राति पनि कोशी, बागमती र गण्डकी प्रदेशका हिमाली तथा पहाडी भूभागका केही स्थानहरूमा र बाँकी भूभागका थोरै क्षेत्रहरूमा मध्यम वर्षा वा हिमपात हुन सक्ने सम्भावना महाशाखाले जनाएको छ। वैशाख १८ गते शुक्रवार दिउँसो कोशी, मधेश, बागमती र गण्डकी प्रदेशसहित लुम्बिनी, कर्णाली र सुदूरपश्चिम प्रदेशका पहाडी र हिमाली क्षेत्रहरूमा सामान्यतया बादल लाग्ने अनुमान गरिएको छ। त्यस्तै, लुम्बिनी र सुदूरपश्चिम प्रदेशका तराई भूभागमा आंशिक रूपमा बादल देखिनेछ। कोशी प्रदेशसँगै देशका हिमाली र पहाडी भूभागका केही स्थानहरूमा तथा मधेश प्रदेशका थोरै क्षेत्रहरूमा साथै बागमती, गण्डकी, लुम्बिनी र सुदूरपश्चिम प्रदेशका तराई भूभागका एक–दुई स्थानहरूमा मेघगर्जन र चट्याङ्गसहित मध्यम वर्षा वा हिमपात हुने सम्भावना रहेको छ।


Advertisementadv-800×200.png

सम्बन्धित खबर