Skip to main content
Advertisement1200×100-inside-1
Advertisement1200×100-blank-1
Advertisementxtreme adv

कांग्रेस सुदूरपश्चिमको संकल्प: जनप्रतिनिधिहरूको कामलाई अझ प्रभावकारी बनाउने प्रतिबद्धता

Advertisement800×200-1

नेपाली कांग्रेसले सुदूरपश्चिम प्रदेशस्तरीय संवादमार्फत १५ वटा संकल्पहरू पारित गर्दै स्थानीय सरकारलाई नागरिक केन्द्रित र जवाफदेही बनाउन प्रतिबद्धता व्यक्त गरेको छ। कांग्रेसले संघीय सरकारलाई कानुन कार्यान्वयनमा मानवीयतालाई प्राथमिकता दिन र सार्वजनिक सेवा अझ सरल बनाउने आग्रह गरेको छ। भूमिहीन दलित, सुकुम्वासी र जोखिम क्षेत्रमा बसोबास गर्ने परिवारहरूलाई सुरक्षित पुनर्स्थापना तथा जीविकोपार्जनका लागि विशेष कार्यक्रम सञ्चालन गर्ने प्रतिबद्धता पनि गरेको छ।

२७ वैशाख, काठमाडौं। प्रमुख विपक्षी दल नेपाली कांग्रेसले मानवीयतालाई मध्यनजर राखेर काम गर्ने केन्द्रीय सरकारलाई आग्रह गर्दै आफू नेतृत्वका स्थानीय तहहरूमा प्रभावकारी काम गर्ने प्रतिबद्धता जनाएको छ। केन्द्रीय नीति अनुसन्धान तथा प्रशिक्षण प्रतिष्ठानले गत दुई दिन धनगढी, कैलालीमा सञ्चालन गरेको सुदूरपश्चिम प्रदेशस्तरीय संवादबाट कुल १५ वटा संकल्पहरू पारित गरिएको हो। कांग्रेसबाट निर्वाचित जनप्रतिनिधिहरूले स्थानीय तहमा नागरिक केन्द्रित नीतिहरूमार्फत जवाफदेही र प्रभावकारी सरकारको रूपमा काम गर्ने प्रतिबद्धता व्यक्त गरेका छन्।

कानुन कार्यान्वयनमा मानवीयतालाई केन्द्रमा राखी काम गर्न संघीय सरकारलाई पनि सन्देश दिने निर्णय गरिएको छ। कांग्रेस नेतृत्वका स्थानीय सरकारहरूले नीति तथा कार्यक्रममार्फत स्थानीय तहका गतिविधिलाई नागरिकमैत्री, सुशासनयुक्त र परिणाममुखी बनाउन निरन्तर प्रयास गर्ने प्रतिबद्धता जनाएका छन्। भूमिहीन दलित, सुकुम्वासी र व्यवस्थित नभएका बासिन्दाहरूलाई व्यवस्थापन गर्दा सबैभन्दा पहिला नागरिकको आत्मसम्मानलाई ध्यान दिनुपर्नेमा जोड दिइएको छ।


Advertisementadv-800×200.png

सम्बन्धित खबर