२७ वैशाख, काठमाडौं । रास्वपाले वडा र पालिका तहमा हुने अधिवेशन दुई चरणमा सम्पन्न गर्ने निर्णय गरेको छ। आइतबार सम्पन्न सचिवालय बैठकले वडा अधिवेशनका लागि जेठ ३ र १६ गते दुई चरणमा हुने मिति निश्चित गरेको छ भने पालिका अधिवेशन जेठ १० र १७ गते हुने गरी फैसला गरेको छ।
वैशाख २० अघि समिति गठन भएका वडाहरूमा जेठ ३ गते अधिवेशन हुनेछ भने जेठ ३ सम्म समितिहरू गठन भएका वडाहरूमा दोस्रो चरणको अधिवेशन जेठ १६ गते आयोजना गरिनेछ। त्यस्तै, वैशाख २५ अघि समिति गठन भएका पालिकाहरूमा जेठ १० गते पालिका अधिवेशन गर्ने र जेठ १० भित्र समिति गठन नभएका बाँकी पालिकामा अधिवेशन जेठ १७ गते गर्ने गरी समय निर्धारण गरिएको छ।
सचिवालयले जेठ २३ र २४ गते जिल्ला अधिवेशन गर्न समेत निर्णय गरेको छ। साथै, जेठ २ गते समिति गठन नभएका वडाहरुको भेला डाकिनेछ भने जेठ ९ गते समिति गठन नभएका पालिकाहरूको भेला पनि आयोजना गरिनेछ।
