नेपाल क्रिकेट संघको वार्षिक साधारण सभाले नेपाल प्रिमियर लिगको पहिलो र दोस्रो संस्करणको आयव्यय विवरण पारित गरेको छ। साधारण सभाले एनपीएलबाट प्राप्त आम्दानीबाट देशभरका ४५ जिल्ला क्रिकेट संघलाई जनही २ लाख रुपैयाँ उपलब्ध गराउने निर्णय गरेको छ। २७ वैशाख, विराटनगरमा सम्पन्न साधारण सभाले आर्थिक वर्ष २०८१/०८२ को लेखापरीक्षण प्रतिवेदन अनुमोदन गर्दै सन् २०२६ का लागि वार्षिक कार्यक्रम, कार्ययोजना र बजेट पारित गरेको छ।
साधारण सभाले एनपीएलबाट प्राप्त आम्दानीमध्ये देशभरका ४५ जिल्ला क्रिकेट संघलाई जनही २ लाख रुपैयाँ उपलब्ध गराउने निर्णय पनि गरेको छ। क्यानले यस वर्षदेखि हरेक डिसेम्बरमा ‘क्यान एनुअल अवार्ड्स’ घोषणा गर्ने निर्णय पनि गरेको छ। यसअन्तर्गत उत्कृष्ट पुरुष, महिला, युवा खेलाडी, लाइफटाइम एचिभमेन्ट र ‘मोमेन्ट अफ द इयर’ अवार्ड प्रदान गरिनेछ।
