२८ वैशाख, काठमाडौं । काठमाडौंमा अवतरणको क्रममा टर्किश एयरलाइन्सको जहाजमा आगो लागेपछि मुख्य धावनमार्गमा रोकिएपछि अन्तर्राष्ट्रिय उडानको अवतरण प्रभावित भएको छ। जहाज धावनमार्गमै अड्किएपछि अन्तर्राष्ट्रिय उडानका ठूला जहाजहरुको नियमित तालिका प्रभावित भएको छ। नेपाल नागरिक उड्डयन प्राधिकरण (क्यान) का सूचना अधिकारी ज्ञानेन्द्र भुलले भने, ‘अहिले उडानको अवतरण बन्द छ, जहाजलाई धावनमार्गबाट ट्याक्सीवेमा लगेर यात्रुहरुको उद्धार भइरहेको छ।’
इस्तानबुलबाट काठमाडौं आएको TK726 जहाज आज बिहान पौने सात बजेतिर अवतरण गर्ने क्रममा चक्कामा आगो लागेको थियो। सो आगो दमकलको सहायता लिएर निभाइएको थियो। यात्रुहरुलाई इमरजेन्सी ढोका खोल्दै उद्धार गरिएको थियो। तल्लो जहाजमा ४ बालबालिकासहित २७७ यात्रु थिए। उनीहरु सबै सुरक्षित रहेको बताइएको छ। जहाजमा आगो लागेपछि उद्धारका क्रममा केही यात्रुको हातमा चोट लागेको छ। जहाजसँगै केही सामान र केही शवहरू पनि रहेको जानकारी दिइएको छ।
