२८ वैशाख, काठमाडौं । माध्यमिक education परीक्षा (एसईई) मा मधेश प्रदेशका ३१ हजार ७२५ विद्यार्थी नन् ग्रेडेड (अवर्गीकृत) भएका छन्। यस वर्ष उक्त प्रदेशबाट कुल ७६ हजार ३१७ विद्यार्थी सहभागी भएका थिए। राष्ट्रिय परीक्षा बोर्डले सोमबार सार्वजनिक गरेको एसईई नतिजा अनुसार, नन् ग्रेडेड विद्यार्थी कोशी प्रदेशमा २१ हजार ३६६, बागमती प्रदेशमा २१ हजार ७०४ र गण्डकी प्रदेशमा ९ हजार ९४३ रहेका छन्। त्यस्तै, लुम्बिनी प्रदेशमा २७ हजार ८९३, कर्णाली प्रदेशमा १३ हजार २४१ र सुदूरपश्चिम प्रदेशमा २० हजार ६३५ विद्यार्थी नन् ग्रेडेड घोषित भएका छन्।
नियमिततर्फ परीक्षामा सहभागी चार लाख ३० हजार ६६७ मध्ये १ लाख ४६ हजार ५०७ विद्यार्थी अवर्गीकृत भएका छन्। परीक्षा बोर्डले अवर्गीकृत विद्यार्थीहरूको पूरक परीक्षा असार १ देखि ९ गतेसम्म सञ्चालन गर्ने जानकारी दिएको छ। प्रदेश अनुसार यस वर्ष वर्गीकृत विद्यार्थीहरू यस प्रकार छन्: कोशीमा ५० हजार ८९०, मधेशमा ४४ हजार ५९२, बागमतीमा ७७ हजार ११३, गण्डकीमा २६ हजार ५५०, लुम्बिनीमा ४४ हजार २५६, कर्णालीमा १९ हजार ९५ तथा सुदूरपश्चिममा २१ हजार ६६४।
