Skip to main content
Advertisement1200×100-inside-1
Advertisement1200×100-blank-1
Advertisementxtreme adv

फिलिपिन्सका सिनेटरले पक्राउ गर्न गएका प्रहरीलाई छलेर भागे

Advertisement800×200-1

फिलिपिन्सका सिनेटर रोनल्ड डेला रोजा अन्तर्राष्ट्रिय फौजदारी अदालत (आईसीसी)को आदेशअनुसार पक्राउ गर्न खोज्दा भागेर सिनेटस्थित आफ्नो कार्यकक्षमा शरण लिएका छन्, जसपछि फिलिपिन्सको माथिल्लो सदन भवनमा सुरक्षा कडा बनाइएको छ। दुई दिनको गतिरोधपछि त्यहाँ गोली चलेको आवाज सुनियो। अधिकारीहरूले कोले गोली चलायो भन्ने खुलाएका छैनन् तर यो घटनामा कुनै हताहत नभएको जनाइएको छ।

अधिकारीहरूको भनाइ अनुसार सिनेटर डेला रोजा सुरक्षित छन् र उनलाई सुरक्षाकर्मीहरूले आफ्नै संरक्षणमा राखेका छन्। उनी पहिले प्रहरी प्रमुख पनि थिए। उनले सिनेटबाट आफ्नो सुरक्षा सुनिश्चित गर्न माग गरेका छन् र स्थानीय अधिकारीहरूलाई आईसीसीको पक्राउ पुर्जी अनुसार कारबाही नगर्न सर्वोच्च अदालतसँग अनुरोध पनि गरेका छन्।

तात्कालिक राष्ट्रपति रोड्रिगो डुटेर्टेले सञ्चालन गरेको लागुपदार्थ नियन्त्रण अभियानका क्रममा मानवता विरुद्ध अपराध गरेको आरोप डेला रोजामाथि लागेको छ। आईसीसीले उनलाई दर्जनौँको हत्यामा संलग्न भएको आरोप लगाएको छ, जुन डेला रोजाले अस्वीकार गर्दै आएका छन्।

फिलिपिन्समा पक्राउ परेका पूर्वराष्ट्रपति डुटेर्टेलाई मार्च २०२५ मा द हेग लगिएको थियो र उनी त्यहीँ छन्।


Advertisementadv-800×200.png

सम्बन्धित खबर