Skip to main content
Advertisement1200×100-inside-1
Advertisement1200×100-blank-1
Advertisementxtreme adv

अहिलेसम्म ८० राष्ट्रहरूले सहभागी भएका फिफा विश्वकपमा २०२६ मा चार नयाँ राष्ट्रहरूले डेब्यु गर्ने

Advertisement800×200-1

विश्वकप छनोट प्रतियोगिता कत्ति कठिन हुन्छ र विश्वकपमै खेलेर मात्र त्यसको मज्जा कस्तो हुन्छ भन्ने अनुभव भने खेल्ने टिमलाई मात्रै थाहा हुन्छ। सन् २०२६ को फिफा विश्वकपमा पहिलो पटक चार नयाँ राष्ट्रहरू केप भर्डे, कुराकाओ, जोर्डन र उज्बेकिस्तान सहभागी हुँदैछन्। ब्राजिलले अहिलेसम्म सबै २२ संस्करणमा विश्वकप खेलेको छ र पाँच पटक उपाधि जितेको छ। सन् २०२२ को विश्वकपमा सहभागी कतार दोस्रो पटक विश्वकप खेल्न लागेको हो भने डीआर कंगो र हाइटी ५२ वर्ष पछि फिफा विश्वकपमा फर्किएका छन्।

फिफा विश्वकप विश्वकै सबैभन्दा चर्चित, लामो समयसम्म चल्ने र ठूलो फलोअर्स भएको खेलकुद प्रतियोगिता हो। यसलाई फुटबलको पर्व वा महाभिडन्तका रूपमा मानिन्छ, जहाँ विश्वका साना र ठूला सबै राष्ट्रहरूले छनोट चरणमा भाग लिन्छन्। विश्वकपमा स्थान बनाउन त्यति सहज कुरा होइन, छनोट चरणहरू अत्यन्त कठिन हुन्छन्। विश्व फुटबलको सर्वोच्च संस्था फिफामा २११ सदस्य राष्ट्रहरू छन्। सबैको लक्ष्य कम्तीमा एकपटक विश्वकप खेल्नु हुन्छ, तर सबैले सफल हुन सक्दैनन्।

२०३० मा उरुग्वेबाट सुरु भएको फिफा विश्वकपका २२ संस्करण पूरा भइसकेका छन् र आगामी जुन ११ मा संयुक्त राज्य अमेरिका, मेक्सिको र क्यानडामा २३औं संस्करण सुरु हुँदैछ। अहिलेसम्म २२ संस्करणहरूमा विश्वका ८० राष्ट्रहरूले विश्वकप फुटबल खेलेका छन्। यसपटक त्यो सूचीमा चार नयाँ राष्ट्रहरू थपिँदैछन्— एसियाबाट जोर्डन र उज्बेकिस्तान, अफ्रिकाबाट केप भर्डे र क्यारिबियन क्षेत्रबाट कुराकाओले पहिलो पटक विश्वकपमा भाग लिन लागेका छन्।


Advertisementadv-800×200.png

सम्बन्धित खबर