६ वैशाख, काठमाडौं । राष्ट्रिय प्रजातन्त्र पार्टी (राप्रपा) का प्रवक्ता मोहन कुमार श्रेष्ठले आफ्नो पार्टीबारे व्यापक रूपमा गलत जानकारी फैलाइएको बताएका छन्। सामाजिक सञ्जालमा उनले लेखेका छन्, “राप्रपाबारे एउटा भ्रम deliberately फैलाइएको छ, गलत अर्थमा प्रस्तुत गरिएको छ– अध्यक्ष राजेन्द्र लिङ्देन महाधिवेशन टारिरहेका छन्, महाधिवेशन गर्ने पक्षमा छैनन्। यो पूर्ण रूपमा गलत छ।”
श्रेष्ठले अध्यक्ष लिङ्देनले महाधिवेशन समयमै सम्पन्न गर्ने प्रक्रियामा पहिल्यै प्रवेश गरिसकेको पनि जानकारी गराए। महाधिवेशनका लागि आवश्यक न्यूनतम मापदण्डअनुसार जिल्लाजन्य अधिवेशन सम्पन्न हुनुपर्ने बताउँदै उनले झापाको जिल्ला अधिवेशन पहिले नै सफलतापूर्वक सम्पन्न भइसकेको स्मरण गराए।
“दुई दर्जनभन्दा बढी जिल्लाको अधिवेशन सम्पन्न भइसकेको छ,” उनले लेखेका छन्, “महाधिवेशनलाई लिएर अत्यधिक विवाद गर्ने केही साथीहरूको जिल्लामा अधिवेशन नै नहुँदै आएको कुरा स्पष्ट पार्न चाहन्छु।” राप्रपामा कुनै पनि निर्णय अध्यक्षको एकपक्षीय क्षमता वा निर्णयबाट नलिइएको पनि उनले जोड दिएका छन्।
