सरकारले राष्ट्रिय पाठ्यक्रम प्रारूप २०७६ लाई समयसापेक्ष पुनरावलोकन गर्न प्राडा बालचन्द्र लुइँटेलको संयोजकत्वमा कार्यदल गठन गरेको छ। शिक्षा, विज्ञान तथा प्रविधि मन्त्रालयले राष्ट्रिय पाठ्यक्रमलाई बदलिँदो परिवेशअनुसार समयसापेक्ष बनाउन र नैतिक शिक्षा समावेश गर्न कार्यदल गठन गरेको जनाएको छ।
राष्ट्रिय पाठ्यक्रम तथा मूल्याङ्कन परिषद्को ९८औँ बैठकको निर्णयअनुसार उक्त कार्यदलमा डा लेखनाथ पौडेल, डा मिनाक्षी दाहाल लगायत सदस्यहरू रहेका छन्। कार्यदलका सदस्यहरूमा डा अमिना सिंह, पवित्रबहादुर गौतम, प्रमोद भट्ट, ज्ञानेन्द्र मल्ल, साङेन्द्र श्रेष्ठ, रिचा न्यौपाने, रेवती कार्की रहेका छन् भने सदस्यसचिवमा पाठ्यक्रम विकास केन्द्रका महानिर्देशक रहेका छन्।
सरकारले राष्ट्रिय पाठ्यक्रम प्रारूपलाई पुनरावलोकन गरी नयाँ दिशा प्रदान गर्न कार्यदल गठन गरेको हो। बदलिँदो परिवेश अनुसार पाठ्यक्रमलाई समयसापेक्ष बनाउन र नैतिक शिक्षा समावेश गर्न यो कार्यदल गठन गरिएको मन्त्रालयले जनाएको छ।
