नेपाल पुलिस क्लबले कोहलपुर गोल्डकप फुटबलको सेमिफाइनलमा रोयल फुटबल क्लब कर्णालीलाई टाइब्रेकरमा ५–३ गोलको अन्तरले पराजित गर्दै फाइनलमा प्रवेश गरेको छ। कोहलपुर रेसिङ सहारा क्लबले पहिलो सेमिफाइनलमा लालीगुराँस एसोसिएसन क्लब पोखरालाई हराउँदै फाइनलमा स्थान बनाएको छ। फाइनल खेल वैशाख २६ गते कोहलपुर रेसिङ सहारा क्लब र नेपाल पुलिस क्लबबीच हुनेछ, विजेताले आठ लाख रूपैयाँ पुरस्कार प्राप्त गर्नेछन्।
नेपाल पुलिस क्लबले चौथो कोहलपुर गोल्डकप फुटबलको फाइनलमा स्थान बनाएको हो। बिहीबार भएको दोस्रो सेमिफाइनल खेलमा रोयल फुटबल क्लब कर्णालीलाई टाइब्रेकरमा ५–३ गोल अन्तरले पराजित गर्दै फाइनलमा पुगेको हो। निर्धारित समयमा कुनै पनि गोल हुन सकेन। यो कोहलपुर गोल्डकपको जारी संस्करणमा पहिलो पटक पेनाल्टीमार्फत नतिजा निक्लिएको खेल हो। पेनाल्टीमा नेपाल पुलिस क्लबका पाँचै जना खेलाडीले गोल गरेका थिए।
पुलिस क्लबका लागि कप्तान राम बगाले, अनिल टमाटा, संन्जिव लामा, हेमन्त श्रेष्ठ र सुजन मगरले गोल गरेका थिए। कर्णालीका लागि करण शाही, दिवश बिसी र विक्रम अलीले गोल गरे भने कप्तान सुदन विश्वकर्माले गोल गर्न सकेनन्। बुधबार भएको पहिलो सेमिफाइनलमा लालीगुराँस एसोसिएसन क्लब पोखरालाई पराजित गर्दै आयोजक कोहलपुर रेसिङ सहारा क्लबले कोहलपुर गोल्डकपको फाइनल प्रवेश गरेको थियो। अब उपाधिका लागि वैशाख २६ गते कोहलपुर रेसिङ सहारा क्लब र नेपाल पुलिस क्लबबीच फाइनल खेल हुनेछ। आठ टिम सहभागी प्रतियोगितामा उपाधि जित्ने टोलीले आठ लाख रूपैयाँ पुरस्कार पाउनेछ भने उपविजेताले चार लाख रूपैयाँ प्राप्त गर्नेछन्। प्रतियोगिताको सर्वोत्कृष्ट खेलाडीले ५१ हजार रूपैयाँ पुरस्कार प्राप्त गर्नेछन्।
