२६ वैशाख, सल्यान। सल्यानको बागचौर नगरपालिका-१० भाटबिटे क्षेत्रभित्र एक ट्याक्टर दुर्घटनामा परेको छ, जसमा चालकको मृत्यु भएको छ। शनिबार बिहान, भानुभक्त माध्यमिक विद्यालय दमाचौरको निर्माण सामग्री बोकेर श्रीनगरबाट दमाचौरतर्फ जाँदै गरेको भे१त २०९० नम्बरको ट्याक्टर सडकबाट करिब ५० मिटर तल खसेको थियो। दुर्घटनामा परेको ट्याक्टरको चालक, शारदा नगरपालिका-१३ निवासी लगभग २५ वर्षका बसन्त बुढाथोकीको घटनास्थलमै मृत्यु भएको प्रहरीले जनाएको छ।
