समाचार सारांश समीक्षा गरिएको छ। राष्ट्रिय परीक्षा बोर्डले २८ वैशाखमा एसईईको नतिजा सार्वजनिक गरेको छ, जसमा ६५.९८ प्रतिशत विद्यार्थीले ग्रेड प्राप्त गरेका छन्। शिक्षा सचिव चुडामणि पौडेलले यसपटक एसईई नतिजा गत वर्षभन्दा सुधारिएको बताएका छन्। यसपाली कुल २ लाख ८४ हजार १६० जना पास भएका छन् र १ लाख ४६ हजार ५०७ जना नन् ग्रेडेड रहेका छन्। २८ वैशाख, भक्तपुर। राष्ट्रिय परीक्षा बोर्डले एसईईको नतिजा सार्वजनिक गरेको छ। यस वर्ष एसईई परीक्षामा ६५.९८ प्रतिशत विद्यार्थीले ग्रेड प्राप्त गरेका छन्। यो विगतको तुलनामा सुधार हो। गत वर्ष ६१.८१ प्रतिशतले ग्रेड प्राप्त गरेका थिए। शिक्षा सचिव चुडामणि पौडेलका अनुसार यसपटक नतिजा गत वर्षभन्दा सुधारिएको छ। गत वर्ष ६१.८१ प्रतिशत उतीर्ण भएका थिए भने यसपाली यो संख्या बढेर ६५.९८ प्रतिशत पुगेको छ। यसपाली कुल २ लाख ८४ हजार १६० जना पास भएका छन्। गत वर्ष यो संख्या २ लाख ७१ हजार २ सय ९९ थियो। यसपाली १ लाख ४६ हजार ५०७ जना नन् ग्रेडेड भएका छन्। गत वर्ष १ लाख ६७ हजार ५९७ जना नन् ग्रेडेड थिए। यसपाली सबैभन्दा बढी ९४ हजार २ सय २२ जना २.८० देखि ३.६० जीपीए ल्याएका छन्। ३.६० देखि ४.०० जीपीए ल्याउने संख्या ४८ हजार ३ सय ९२ जना रहेको छ.
