सुनसरीमा विभिन्न अपराधमा अदालतले दोषी ठहर गरी फरार रहेका आठ जनालाई पक्राउ गरिएको छ। पक्राउ परेकाहरू इनरुवा, हरिनगर, इटहरी र दुहवीका बासी रहेका छन्। प्रहरीले अदालतको फैसला कार्यान्वयन गर्न उनीहरुलाई पक्राउ गरेको हो। २९ वैशाख, सुनसरी।
अदालतले विभिन्न अपराधमा दोषी ठहर गरी कैद र दण्ड जरिवानाको फैसला सुनाएपछि फरार रहेका यी आठ जना पक्राउ परेका हुन्। प्रहरीले अदालतको फैसला कार्यान्वयनका लागि पक्राउ गरेका यी प्रतिवादीहरू सबै सुनसरीका छन्। पक्राउ परेका फरार प्रतिवादीहरूमा इनरुवा नगरपालिका–४ का चन्दनकुमार यादव, हरिनगर नगरपालिका–६ का अख्तर मन्सुरी, इटहरी उपमहानगरपालिका–११ का दिप्सन राई, दुहवी नगरपालिका–८ का अकाल मिया, सोही नगरपालिकाको वडा ९ का सागिरा खातुन, त्यही वडाका अलताव मिया, इटहरी–१५ का विजय ठाकुर र इटहरी–४ का घनश्याम शिवाकोटी रहेका छन्।
