संयुक्त राज्य अमेरिकाका राष्ट्रपतिको रुपमा डोनल्ड ट्रम्प चीन भ्रमण गर्न लाग्दा उनीसँगै व्यापार र प्रविधि क्षेत्रका प्रमुख व्यक्तित्वहरू पनि सहभागी हुँदैछन्। ट्रम्पको प्रतिनिधिमण्डलमा एपलका टिम कुक, टेस्ला र स्पेसएक्सका इलोन मस्क, ब्ल्याकरकका ल्यारी फिङ्क र मेटा, भिषा, जेपी मोर्गन, बोइङ, कार्गिल लगायतका विभिन्न कम्पनीका कार्यकारी प्रमुखहरू छन्। ह्वाइट हाउसका एक अधिकारीका अनुसार, कुल १७ वटा अमेरिकी कम्पनीका कार्यकारी प्रमुखहरू ट्रम्पको टोलीमा सहभागी हुनेछन्।
अमेरिका र चीनबीच आर्थिक तथा प्रविधि क्षेत्रमा बढ्दो तनावको बेला, बेइजिङमा ट्रम्प र चिनियाँ राष्ट्रपति सी जिनपिङबीच हुने भेटलाई अत्यन्त महत्वपूर्ण मानिएको छ। मस्क, कुक र फिङ्क बाहेक ट्रम्प टोलीका अन्य कार्यकारी प्रमुखहरू यस प्रकार छन् – डिना पावल मकोर्मिक, अध्यक्ष तथा उपाध्यक्ष, मेटाकेली ओर्टबर्ग, अध्यक्ष तथा कार्यकारी प्रमुख, बोइङका र्यान मकिनरनी, कार्यकारी प्रमुख, भिषाका स्टिभन श्वार्जमन, कार्यकारी प्रमुख, ब्ल्याकस्टोनका ब्रायन साइक्स, कार्यकारी प्रमुख तथा अध्यक्ष, कार्गिलका जेन फ्रेजर, कार्यकारी प्रमुख, सिटीजिमका एन्डरसन, कार्यकारी प्रमुख, कोहरन्टका हेनरी लरेन्ट कल्प, कार्यकारी प्रमुख, जीई एरोस्पेसका डेभिड सोलोमन, कार्यकारी प्रमुख, गोल्डम्यान स्याक्सका याकोब टेसेन, कार्यकारी प्रमुख, इल्यूमिनाका माइकल मीबाख, अध्यक्ष, मास्टरकार्डका एन्भिडियाका प्रमुख जेन्सन ह्वाङ यस सूचिमा परेका छैनन्।
उनको कम्पनी अमेरिकी–चीन कम्प्युटर चिप र आर्टिफिसियल इन्टेलिजेन्स (एआई) क्षेत्रमा जारी द्वन्द्वको केन्द्रमा छ। तर अमेरिकी राष्ट्रपतिको विमान ‘एअर फोर्स वन’ अलास्काको एङ्करेजमा इन्धन भर्न रोकिएको अवस्थामा ह्वाङलाई जहाज चढ्दै गरेको देखिएको छ। एन्भिडियाका प्रवक्ताले भने, “राष्ट्रपति ट्रम्पको निम्तोमा अमेरिका र उनको प्रशासनका उद्देश्यहरूलाई सहयोग गर्न जेन्सन भेटवार्तामा सहभागी हुँदै छन्।”
त्यसैगरी माइक्रोन टेक्नोलोजीका कार्यकारी प्रमुख सञ्जय मेहरोत्रा पनि ट्रम्पको टोलीमा छन्। बेइजिङले राष्ट्रिय सुरक्षाका कारण २०२३ मा माइक्रोनद्वारा उत्पादित केही चिपहरूको प्रयोगमा प्रतिबन्ध लगाएको थियो। यो प्रतिबन्धका कारण चीनमा माइक्रोनको व्यापारमा नकारात्मक प्रभाव परेको छ। मेहरोत्राको टोलीमा समावेशीकरणलाई त्यही सन्दर्भमा रोचक मानिएको छ। प्रविधि र निर्यात नियन्त्रणको तनावका बाबजुद अमेरिकाको चीनसँग आर्थिक सम्बन्धमा सेमिकन्डक्टर उद्योगको महत्त्व अझै ठूलो छ।
सिस्कोका कार्यकारी प्रमुख र अध्यक्ष चक रोबिन्सलाई पनि चीन भ्रमणको निम्तो दिइएको थियो। तर उनी कम्पनीको आर्थिक प्रतिवेदन तयार पार्ने कारणले सहभागी हुन सकेनन्, सिस्कोकी एक प्रवक्ताले बताइन्। समग्रमा अमेरिकाबाट सामाजिक सञ्जाल र हार्डवेयरदेखि कम्प्युटर चिप तथा व्यावसायिक उत्पादनसम्मका क्षेत्रका प्रतिनिधिहरू भ्रमणमा छन्। क्यालिफोर्नियामा अवस्थित बायोटेक्नोलोजी कम्पनी इल्यूमिनाका प्रवक्ताले प्रतिनिधिमण्डलमा सहभागी हुन पाउँदा याकोब टेसेनलाई गर्व लागेको बताएका छन्। उनले कम्पनीले यस भ्रमणलाई “सम्बन्ध सुदृढ पार्ने र ‘प्रिसिजन मेडिसिन’को भविष्य बनाउन मद्दत गर्ने अवसर” मानेको जानकारी दिएका छन्।
अन्य कम्पनीहरूले तत्काल प्रतिक्रिया दिने बाटो रोजेनन्। व्यापार युद्ध करिब एक दशकपछि अमेरिकी राष्ट्रपतिले चीन भ्रमण गर्दैछन्। ट्रम्प सन् २०१७ मा पनि बेइजिङ पुगेका थिए। दुवै देशले एकअर्काका वस्तुहरूमा बढी आयातशुल्क असुल गर्दा व्यापार युद्ध चर्किएको थियो। केही समयपछि तनाव कम भए पनि अवस्था अझै नाजुक छ। २०२५ अक्टोबरमा साउथ कोरियामा ट्रम्प र सी जिनपिङबीचको भेटपछिको ट्यारिफ (आयात शुल्क) निर्णय स्थगित भएको थियो। ट्रम्प र सीको भेटमा इजरायल र अमेरिकाले इरानमा सुरु गरेको युद्ध पनि प्रभाव पार्ने विश्वास गरिएको छ। यति कारणले शीर्ष नेताहरूको भेट ढिला भएको हो। ट्रम्पले चीनलाई इरान युद्ध अन्त्य गराउन तेहरानमाथि दबाब दिन सक्ने अनुमान छ। चीनले इरानबाट सस्तो तेल किनिरहेको छ। चीन पनि युद्ध टुङ्गिन चाहन्छ। तेल आपूर्तिमा थोरै कमी हुँदा चीनले आयात गर्ने देशहरूको खरीद क्षमता प्रभावित भएको छ। तर चीनका तेलखानी र अन्य स्रोतहरूले ऊर्जा आपूर्ति गर्न सकेकोले उनीहरूले युद्धको असर अरू देशभन्दा राम्ररी सम्हाल्न सकेको ठानिन्छ।
