Skip to main content
Advertisement1200×100-inside-1
Advertisement1200×100-blank-1
Advertisementxtreme adv

जोसे मोउरिन्हो रियल मड्रिडको मुख्य प्रशिक्षक नियुक्तिको अन्तिम चरणमा

Advertisement800×200-1

जोसे मोउरिन्हो १३ वर्षपछि पुनः रियल मड्रिडको मुख्य प्रशिक्षक बन्ने अन्तिम चरणमा रहेका छन्। ६३ वर्षीय मोउरिन्होलाई क्लबले नयाँ प्रशिक्षकको रूपमा पहिलो रोजाइमा राखेको छ। हाल उनी पोर्चुगिज क्लब बेनफिकाको प्रशिक्षक हुन्। गत सेप्टेम्बरमा दुई वर्षको सम्झौतामा क्लब सम्हालेका मोउरिन्होले आफ्नो भविष्यबारे अहिलेसम्म कुनै टिप्पणी प्राप्त गराउन चाहेका छैनन्। बेनफिकाको शनिबार हुने अन्तिम खेलपछि मात्रै यस विषयमा निर्णय हुने अपेक्षा गरिएको छ।

मोरिन्होको सम्झौतामा अन्तिम खेलपछि १० दिनभित्र करिब ३० लाख युरो तिरेर क्लब छोड्ने विकल्प रहेको छ। उनी सन् २०१० देखि २०१३ सम्म रियल मड्रिडको प्रशिक्षक हुँदा स्पेनी लिग, स्पेनी कप र स्पेनी सुपर कप जिताइसकेका थिए। यस सिजन रियल मड्रिडले कुनै उपाधि जित्न सकेको छैन। ला लिगामा बार्सिलोनाले उपाधि जितिसकेपछि रियल मड्रिड १४ अंकले पछि परेको छ। युरोपेली च्याम्पियन्स लिगमा पनि टोली क्वाटरफाइनलबाट बाहिरिएको थियो। यसैबीच क्लबका अध्यक्ष फ्लोरेन्टिनो पेरेजले मोउरिन्होको सम्भावित पुनरागमनबारे औपचारिक घोषणा गर्न सक्ने चर्चा पनि भइरहेछ।


Advertisementadv-800×200.png

सम्बन्धित खबर