Skip to main content
Advertisement1200×100-inside-1
Advertisement1200×100-blank-1
Advertisementxtreme adv

निर्माणाधीन घरको छतबाट खस्दा दुई मजदुरको मृत्यु

Advertisement800×200-1

३० वैशाख, जाकपुरधाम। सर्लाहीमा बुधबार निर्माणाधीन घरको छतबाट खस्दा दुई मजदुरको मृत्यु भएको छ। मृत्यु हुनेमा मलंगवा नगरपालिका-२ का ५० वर्षीय छटु साह र हरिपुर्वा नगरपालिका–२ का ४० वर्षीय राजकिशोर यादव रहेका छन्, प्रहरीले जनाएको छ। जिल्ला प्रहरी कार्यालय सर्लाहीका अनुसार, मलंगवा नगरपालिका–१० का रन्जित यादवको चार तले घरको छतमा पानी ट्याङ्की राख्न बनाइएको ढलानमा प्लास्टर गरिरहेका बेला उनीहरू छतसहित खसेका हुन्। घटना दिउँसो करिब पौने पाँच बजेको रहेको प्रहरीले बताए।

काम गरिरहँदा अचानक छतसहित खसेपछि दुवैजनालाई गम्भीर चोट लागेको थियो। घाइते दुवै जनालाई तत्काल उपचारका लागि प्रादेशिक अस्पताल मलंगवामा लगिएको थियो। जहाँ चिकित्सकहरूले मृत घोषणा गरेका छन् र थप अनुसन्धान भइरहेको जिल्ला प्रहरी कार्यालय सर्लाहीले जनाएको छ।


Advertisementadv-800×200.png

सम्बन्धित खबर