Skip to main content
Advertisement1200×100-inside-1
Advertisement1200×100-blank-1
Advertisementxtreme adv

मधेशमा पोषण सुधारका लागि सभामुख यादवको आग्रह

Advertisement800×200-1

मधेश प्रदेश सभाका सभामुख रामआशिष यादवले कुपोषण न्यूनीकरणका लागि प्रदेश सरकार, स्थानीय तह र सरोकार निकायबीच प्रभावकारी समन्वय आवश्यक रहेको बताएका छन्। स्वास्थ्य निर्देशनालयद्वारा लालगढमा आयोजित तीनदिने प्रदेशस्तरीय पोषण नीति संवाद तथा शिखर सम्मेलनको समापन समारोहमा उनले पोषण केवल स्वास्थ्य क्षेत्रसम्म सीमित नभई शिक्षा, कृषि, खानेपानी, सरसफाइ र सामाजिक चेतनासँग सम्बन्धित विषय रहेको बताए।

सभामुख यादवले मधेश प्रदेशमा अझै पनि बालबालिका तथा महिलामा कुपोषणको समस्या चुनौतीका रूपमा रहेको उल्लेख गर्दै यसलाई घटाउन दीर्घकालीन नीति, व्यावहारिक योजना र प्रभावकारी कार्यान्वयन आवश्यक रहेकोमा जोड दिए। मधेश प्रदेशसभाको महिला, बालबालिका तथा सामाजिक न्याय समितिकी सभापति रूपाकुमारी यादवले महिलाको स्वास्थ्य, बालअधिकार र पोषण सुरक्षालाई प्राथमिकतामा राखेर नीति बनाउनु पर्ने बताए।

उनले ग्रामीण र विपन्न समुदायमा पोषणसम्बन्धी चेतनाको अभाव अझै रहेको भन्दै स्थानीय तहसँग सहकार्य गरी चेतनामूलक अभियान सञ्चालन गर्नुपर्ने विचार व्यक्त गरिन्। स्वास्थ्य तथा जनसङ्ख्या मन्त्रालयका सचिव डा. प्रमोद यादवले पोषण र जनसङ्ख्याबीच प्रत्यक्ष सम्बन्ध रहेको उल्लेख गर्दै जनसङ्ख्या वृद्धि, गरिबी, अशिक्षा र असन्तुलित खानपानका कारण कुपोषण समस्या चुनौती बनेको बताए। सम्मेलनमा पोषण, मातृ तथा शिशु स्वास्थ्य, किशोरी पोषण, जनसङ्ख्या अवस्था, खाद्य सुरक्षा र पोषणमैत्री नीति कार्यान्वयनसम्बन्धी पाँचवटा कार्यपत्र प्रस्तुत गरिएको थियो।


Advertisementadv-800×200.png

सम्बन्धित खबर