१ जेठ, काठमाडौं । नेपाली कांग्रेसका सभापति गगन थापाले छलफल र संवादमा विश्वास राख्ने बताएका छन् । काठमाडौंमा शुक्रबार आयोजित एक कार्यक्रममा बोल्दै उनले यस्तो उल्लेख गरेका हुन् । ‘हामी छलफलमा विश्वास गर्छौं, संवादमा विश्वास गर्छौं,’ सभापति थापाले भने, ‘हामी आमने-सामने बहसमा विश्वास गर्छौं, र प्रमाणमा पनि हाम्रो विश्वास छ ।’
परिवर्तन एकैचोटि ठूलो तरिकाले हुने कुरा होइन उनले बताए । ‘नीति, नियम, कानुन बनाएर हुने परिवर्तन र प्रणालीहरूमा आउने सुधारहरू एकै पटकमा धेरै ठूलो तरिकाले हुँदैनन् भन्ने कुरामा हामी विश्वास गर्छौं ।’ यी सबै कुरा ‘इकोसिस्टम’को भाग भएको बताउँदै विस्तारै र क्रमशः हुने प्रक्रिया रहेको उनले जोड दिए ।
