२ जेठ, काठमाडौं । लिग २ अन्तर्गत भएको आजको मुकाबलामा अमेरिकाले नेपालविरुद्ध टस जितेर पहिले ब्याटिङ गर्ने निर्णय गरेको छ। अमेरिकाले टस आफ्नो पक्षमा लिंदै नेपाललाई बलिङ गर्ने अवसर प्रदान गर्यो। यो खेलमा नेपालका डा. इशान पाण्डेले पहिलो ओडीआई डेब्यु गर्दैछन्। उनलाई करण केसीले डेब्यु क्याप प्रदान गरेका थिए। डा. पाण्डेले २०१९ मा टी-२०आई डेब्यु गरिसकेका छन् र यति सम्म ४ टी-२०आई खेलिसकेका छन्। उनले घरेलु प्रतियोगिताहरू जय ट्रफी र पीएम कपसहित नेपाल ए टोलीबाट पनि उत्कृष्ट प्रदर्शन गरेका थिए। खेल टियू क्रिकेट मैदानमा भइरहेको छ। आजको खेलमा विनोद भण्डारी, अर्जुन कुमाल र करण केसी बेन्चमा रहेका छन्।
