आर्सनलले २२ वर्षपछि इंग्लिस प्रिमियर लिग फुटबलको उपाधि जितेको छ। म्यान्चेस्टर सिटीले बर्नमाउथसँग १-१ गोलको बराबरी खेलेपछि आर्सनलको उपाधि सुनिश्चित भएको हो। आर्सनलले ३७ खेलमा ८२ अंक जोडेको छ भने म्यान्चेस्टर सिटीको ७८ अंक छ र यो आर्सनलको १४औं लिग उपाधि हो।
६ जेठ, काठमाडौं। आर्सनलले २२ वर्षपछि इंग्लिस प्रिमियर लिग फुटबलको उपाधि जितेको छ। गएराति भएको खेलमा दोस्रो स्थानमा रहेको म्यान्चेस्टर सिटीले बर्नमाउथसँग १-१ गोलको बराबरी खेलेपछि आर्सनलले उपाधि पक्का गरेको हो। प्रिमियर लिगमा अहिले एक खेल मात्र बाँकी छ। शीर्ष स्थानमा रहेको आर्सनलले ३७ खेलमा ८२ अंक जोडेको छ भने म्यान्चेस्टर सिटीले ७८ अंक बनाएको छ र दोस्रो स्थानमा छ।
गएका राति बराबरी भएपछि म्यान्चेस्टर सिटीले अब आर्सनललाई पछि पार्न सक्ने सम्भावना समाप्त भयो। बर्नमाउथले घरेलु मैदानमा सुरुमा अग्रता लिएको थियो। ३८औं मिनेटमा क्रुपी जुनियरले गोल गर्दै टोलीलाई अग्रता दिलाए। एर्लिङ हालान्डले म्यान्चेस्टर सिटीका लागि खेलको अन्त्यमा गोल गर्दै बराबरी दिलाए। आर्सनलले पछिल्लो पटक सन् २००४ मा प्रिमियर लिगको उपाधि जितेको थियो। यो आर्सनलको १४औं शीर्ष लिग उपाधि हो र चौथोपटक प्रिमियर लिग जितेको हो।
