१४ जेठ, काठमाडौं । एसियन गेम्सको महिला क्रिकेट छनोट प्रतियोगिताअन्तर्गत इन्डोनेसियासँगको खेल जित्न नेपालले ११४ रनको लक्ष्य पाएको छ । मलेसियाको वायुमास ओभलमा टस जितेर पहिले ब्याटिङ गरेको इन्डोनेसियाले २० ओभरमा ४ विकेट गुमाएर ११३ रन बनाएको छ । इन्डोनेसियाका कप्तान नि पुतु आयु नन्दा सकारिनीले अविजित ५२ रन जोडेकी छिन् । त्यस्तै, नि लु केतुत वेसिका रतना देवीले २३ रन बनाइन् भने नि मादे पुत्री सुवानदेवीले १३ रन थपिन् । नेपालका लागि मनिषा उपाध्यायले २ तथा रिया शर्माले १ विकेट लिएका छन् । नेपालले यसअघि बुधबार चीनलाई पराजित गरेको थियो ।
