सन् २००९ मा ८० विद्यार्थीबाट सुरु भएको टेक्सास एजुकेशन नेटवर्कले डेढ दशकमा शैक्षिक क्षेत्रमा महत्वपूर्ण पहिचान बनाएको छ। कलेजले विद्यार्थीलाई सैद्धांतिक ज्ञानका साथै एआई, साइबर सुरक्षा र उद्यमशीलता सम्बन्धी व्यावहारिक सीपहरू प्रदान गर्न विशेष जोड दिएको छ। शिक्षालाई राष्ट्रिय र अन्तर्राष्ट्रिय परिवेशसँग जोड्दै विद्यार्थीलाई आत्मनिर्भर र सक्षम बनाउने लक्ष्य टेक्सासको छ।
सन् २००९ मा करिब ८० जनाको विद्यार्थी भर्नासाथ कक्षा ११ बाट पढाइ सुरु गर्दा टेक्सास इन्टरनेशनल कलेजसँग पनि यस्तै एउटा सपना थियो। नयाँ संस्थाका लागि सबैभन्दा ठूलो चुनौती भवन वा कक्षा संचालन गर्नु मात्र थिएन, अभिभावक र विद्यार्थीको विश्वास जित्नु नै थियो। समयसँगै बदलिँदो समाज, रोजगारी र शिक्षाको नयाँ ढाँचा बुझ्दै एउटा यस्तो संस्था निर्माण गर्ने सोच थियो जुन विद्यार्थीलाई प्रमाणपत्र मात्र होइन, भविष्यका लागि आवश्यक क्षमता पनि विकास गराउन सकोस्।
टेक्सास एजुकेशन नेटवर्कले व्यवस्थापन, सूचना प्रविधि, आतिथ्य व्यवस्थापन लगायत विभिन्न क्षेत्रमा आफ्नो प्रभाव जमाएको छ। ‘एउटा कलेज होइन, दीर्घकालीन शैक्षिक संस्था बनाउने सोच थियो’ टेक्सासका प्रबन्ध निर्देशक जितेन्द्र कुमार बखुका अनुसार शिक्षा क्षेत्रको यात्रा व्यवसायिक विस्तार मात्र थिएन, गुणस्तरीय शिक्षा प्रदान र बदलिँदो समयसँगै विद्यार्थीलाई तयार बनाउने सोचको केन्द्रमा थियो।
आज टेक्सास इन्टरनेशनल कलेज र टेक्सास कलेज अफ म्यानेजमेन्ट एण्ड आइटी मार्फत विभिन्न शैक्षिक कार्यक्रमहरू चलाइरहेका छन्। विद्यार्थीलाई विदेश जानु नपरोस् भनिएको लक्ष्यअनुसार नेपालमै गुणस्तरीय र अन्तर्राष्ट्रिय स्तरको शिक्षा प्रदान गर्ने सोच अघि बढाइएको छ। टेक्सासले विद्यार्थीलाई स्वरोजगार र व्यवसायिक रूपमा प्रतिस्पर्धी बनाउने उद्देश्यले शिक्षा र व्यवसायलाई जोड्ने काम गरिरहेको छ।
सम्बन्धित खबर
