Skip to main content
Advertisement1200×100-inside-1
Advertisement1200×100-blank-1
Advertisementxtreme adv

निरोशन डिक्वेला लुम्बिनी लायन्समा पुनः अनुबन्धित

Advertisement800×200-1

नेपाल प्रिमियर लिगको च्याम्पियन लुम्बिनी लायन्सले आगामी सिजनका लागि श्रीलंकाका विकेटकिपर–ब्याटर निरोशन डिकवेलालाई पुनः टोलीमा अनुबन्ध गरेको छ। गत सिजनमा डिकवेलाको उत्कृष्ट प्रदर्शन र नेतृत्वका कारण टोलीले उपाधि जित्न सफल भएको अध्यक्ष ईश्वर जिसीले उल्लेख गर्नुभयो। अध्यक्ष जिसीले डिकवेलालाई स्वागत गर्दै भन्नुभयो, “निरोशन डिकवेलालाई पुनः लुम्बिनी लायन्समा स्वागत गर्न पाउँदा हामी हर्षित छौं।” २८ साउन, काठमाडौं।

लुम्बिनी लायन्सले निरोशन डिकवेलालाई आगामी सिजनका लागि निरन्तरता दिएको छ। गत सिजन लुम्बिनीलाई उपाधि जिताउन महत्वपूर्ण भूमिका खेलेका डिकवेलाले आगामी सिजन पनि च्याम्पियन टोलीबाटै खेल्ने भएका छन्। डिकवेलाले गत सिजन समूह चरणका चार खेलपछि लुम्बिनीको टोलीमा आवद्ध भएका थिए। त्यतिबेला लुम्बिनीले तीन खेलमा हार बेहोरेर संकटमा थियो। डिकवेलाको टोलीमा आएका पछि लुम्बिनीले बाँकी सबै ६ खेल जित्दै उपाधि जितेको थियो।

लुम्बिनीबाट खेलेका ६ खेलमा डिकवेलाले १२२ भन्दा माथिको स्ट्राइक रेटमा १३७ रन बनाएका थिए। उनको ब्याटिङ औसत ३४.२५ थियो, जुन टोलीका ब्याटरमध्ये सबैभन्दा बढी थियो। लुम्बिनीबाट उनीभन्दा बढी रन रोहित पौडेलले २७६ र डार्सी शर्टले २५६ रन बनाएका थिए। लुम्बिनी लायन्सका अध्यक्ष ईश्वर जिसीले डिकवेलालाई पुनः टोलीमा स्वागत गर्न पाउँदा खुसी लागेको बताए। ‘निरोशन डिकवेलालाई पुनः लुम्बिनी लायन्समा स्वागत गर्न पाउँदा हामी हर्षित छौं। गत सिजनमा उनले व्यक्तिगत प्रदर्शन मात्र गरेनन्, टोलीलाई एकजुट बनाउन पनि महत्वपूर्ण भूमिका खेलेका थिए। उनी च्याम्पियन खेलाडी हुन्, किनभने उनले लुम्बिनी लायन्सबाट खेल्दा कुनै खेल हारेका छैनन्। आगामी सिजन पनि उनले यही भूमिका निभाउने अपेक्षा लायन्सको रहेको छ,’ उनले भने।

डिकवेलाले गत सिजन क्वालिफायर–२ मा २२ बलमा २९ रन बनाएका थिए। उनका योगदानमा लुम्बिनीले ८ विकेट गुमाएर १३४ रन बनाउँदै उक्त स्कोर रक्षा गरेको थियो। विराटनगर किंग्सविरुद्धको समूह चरणको खेलमा पनि उनले २२ बलमा अविजित २९ रन बनाएका थिए। पोखरा एभेन्जर्सविरुद्ध भने उनले २२ बलमा ३७ रन बनाएका थिए, जुन एनपीएलमा उनको व्यक्तिगत उच्च स्कोर हो। फाइनलमा डिकवेलाले १२ बलमा अविजित ११ रन बनाएका थिए। ३३ वर्षीय डिकवेला हालै श्रीलंकामा दम्बुला सिक्सर्सबाट लंका प्रिमियर लिग खेलेका थिए। उनले श्रीलंकाका लागि ५४ टेस्ट, ५५ एकदिवसीय अन्तर्राष्ट्रिय र २८ टी–२० अन्तर्राष्ट्रिय खेल खेलेका छन्।


Advertisementadv-800×200.png

सम्बन्धित खबर