काभा बिच भलिबलमा नेपालका सुनिता राई र भावना डाँगीको जोडीले भुटानको थिम्पुमा भएको फाइनलमा रजत पदक जितेका छन्। फाइनलमा नेपालले पहिलो सेट २१–१७ ले जिते पनि दोस्रो र तेस्रो सेट २१–१५ र १५–५ ले गुमाएको छ। पुरुषतर्फको उपाधि श्रीलंकाका दिलीपा सदुन मदुसंकाको जोडीले जितेको छ। २१ भदौ, काठमाडौं।
काभा बिच भलिबलको महिलातर्फ नेपालका सुनिता राई र भावना डाँगीको जोडीले रजत पदक हासिल गरेको छ। भुटानको थिम्पुमा भएको फाइनल खेलमा भारतकी दीपिका–पवित्रा जोडीसँग पराजित हुँदा सुनिता–भावनाको जोडीले रजत पदकमा सन्तुष्टि जनायो। पहिलो सेट २१–१७ ले आफ्नो पक्षमा पारेको नेपाली टोलीले दोस्रो र तेस्रो सेट गुमाएर स्वर्ण पदक जित्न सकेन। भारतीय टोलीले दोस्रो सेट २१–१५ र तेस्रो सेट १५–५ ले जित्दै स्वर्ण पदक हात पारेको छ।
नेपालबाट महेन्द्र श्रेष्ठ र राजकुमार निरौला तथा झमन सिंह दर्जी र शरण कार्कीको जोडीले भाग लिएका थिए, तर सेमिफाइनलसम्म पुग्न सकेनन्।
